tia tanindrazana

Parution du Vendredi, 30 Juillet 2021

airtel

Sosialy

Lita Rabenintsara “Mamboly vary aho izao”

Mamboly vary aho izao, hoy ny filohan’ny mpiaro ny zon’ny mpanjifa na RNDC, Lita Rabenintsara, tamin’ny antso an-tariby natao taminy. Vao nijinja vary aho ny volana jona, hoy izy.

21-juil-2021

Sample post image

 Niverina namboly indray satria azo volena indroa ny tanimbariko. Efa fantatro fa tsy ho voafehin’ny mpitondra ny vidim-bary gasy. Milaza ny minisiteran’ny varotra fa hanao be midina hanara-maso ny fiakaran’ny vidin’entana. Tompon’antoka voalohany amin’ny fiakaran’ny vidim-piainana, noho izany, izy. Manaitra ny minisiteran’ny varotra noho izany mba hijery izay akaiky, indrindra, araka ny efa nolazaiko foana, 7 taona izay ny lalana 2015-014 izay miaro ny zon’ny mpanjifa. Ny RNDC no nitondra izany tao amin’ny antenimieram-pirenena. Efa tokony hampiharina io ahafahana mifanakalo hevitra sy mifehy ny vidin’entana. Eo amin’ny resaka fitaterana an-tanety, ohatra, misy ny ATT izay mamehy ny saran-dalana ankehitriny. Voafehiny izany satria be ny mpanararaotra mampiakatra rehefa krizy. Tokony hampihatra io lalana miaro ny zon’ny mpanjifa io koa ny minisiteran’ny varotra. Tsy tokony hiantehitra fotsiny amin’ny fehezan-dalana na “ordonnance” 60-133 mikasika ny fikambanana miaro ny zon’ny mpanjifa. Lasa miraviravy tanana indraindray ny fikambanana miaro ny zon’ny mpanjifa satria ny minisitera izay tokony hiara-kiasa aminy aza tsy manohana ny fikambanana miaro ny zon’ny mpanjifa izay tokony ho izy dia araka ny lalana efa lany tany amin’ny antenimieram-pirenena. Ny didy fampiharana io lalana io, noho izany, dia miankina amin’ny minisiteran’ny varotra. Anatin’izany no tokony hisiana rafitra iraisan’ny mpandraharaha, ny mpanjifa, ny mpivarotra, mpisehatra amin’ny hetra. Lasa tsy afa-miasa araka ny tokony ho izy ny mpiaro ny zon’ny mpanjifa noho ny tsy fampiharana io lalana io. Ny sandan’ny vola Malagasy mihitsy no tsy mipetraka amin’ny toerany. Tokony hametraka politikan’ny vola mazava tsara ny fanjakana hialana ao anatin’io MID sy hametrahana tahabola tsy miovaova. Mivoaka any ivelany ny harentsika nefa tsy mampiakatra ny sandam-bolantsika. Vao tonga teo io minisitra io no efa noteneniko hoe ampiharo io lalana io fa tsy nataony, hoy hatrany ny filohan’ny RNDC.
J. Mirija

 

Dans la même rubrique

Card image cap
Tantsoroka avy amin’ny CNaPS Mpikambana very asa 849 nisitraka fanofanana
30-juil-2021

Mpiasa very asa miisa 849 no efa nisitraka fampiofanana avy amin’ny CNaPS tamin’ny alalan’ireo mpiara-miombon’antoka aminy, mba ho tantsoroka sy famerenana azy ireo indray eo amin’ny tontolon’ny asa,

Card image cap
Faritra Itasy Nahazo jiro cobra 60 isa
29-juil-2021

Nanatanteraka fidinana ifotony tany Ambatomirahavavy ny Loholon’i Madagasikara Ramatoa Landy Mbolatiana Randriamanantenasoa omaly Alarobia 08 jolay 2021,

Card image cap
Mpanjifa Malagasy Miha miverina mankafy ny vita Malagasy
29-juil-2021

Mampahafantatra sy mampisongadina ny vita Malagasy amin’ny alalan’ny sary amin’ireo kojakoja an-dakozia vita Malagasy izahay, hoy ny Art tsara Malagasy,

Card image cap
Boriboritany fahadimy Zazalahy miisa 150 no natao didimpoitra faobe
29-juil-2021

Feno 15 taona ny fiaraha-miasan’ny fikambanana FAFI-5 Rantsana fanantenana tarihin’ny filohany, Hanitriniala Fanantenana Raholdina, sy ny klinika Fidy teo amin’ny fanaovana didimpoitra faobe.

Voir plus