Sosialy

 noho ny fisian’ilay hetsika fizarana fanampiana sy fampidirana anaty fikambanana notanterahin’ny Fitondram-panjakana teny an-toerana, tamin’ny alalan’ny Ministeran’ny mponina sy ny fiahiana ara-tsosialy. Nisy tamin’ny 04 ora maraina anefa izy ireo dia efa niala tany an-tokantranony handeha hivarotra omaly toy ireo mipetraka eny Analamahitsy. Vokany, nisy tamin’izy ireo no voatery naverina nody fotsiny. Nisy ihany koa anefa ireo tafajanona ihany saingy tsy maintsy nifindra teny am-pita nifanetinety tamin’ireo mpivarotra namany. Raha araka ny fanazavan’Atoa Andry, anisan’ireo mpivarotra dia tsy manakana velively ny hetsika hataon’ny Fitondram-panjakana tahaka izao izy ireo saingy tokony hisy fampandrenesana mialoha kosa. Ho an-dRtoa Sandra indray izay mbola mpivarotra ihany koa dia anisan’ny tena nampalahelo azy ny fanaovana izao hetsika izao omaly Alakamisy andro tsena. Fa angaha tsy maintsy andro tsena no hanaovana izany hoy izy ? Misy olana angaha hoy hatrany izy raha anio zoma na rahampitso sabotsy izany vao tanterahina ho fitsinjovana ny fahasahiranan’ny vahoaka. Nomarihin’izy ireo moa fa mpivarotra mandoa haban-tsena ara-dalàna amin’ny kaominina izy ireo.
Pati