Sosialy

 (Institut National de la Statistique). Miha manaka-danitra ny vidin-javatra rehetra amin’ny ankapobeny. Ho an’ny entana ilaina amin’ny andavanandro na ny PPN (Produits de Première Nécessité) dia nahatratra 8,9% izany. Ho an’ny vary manokana dia nahatratra 7,2% ny fisondrotana hita. 8% kosa ho an’ny zava-pisotro tsy misy alikaola, raha toa ka tafiakatra hatrany amin’ny 9,2% kosa ny lafiny ara-pahasalamana. Efa 9% ity farany tamin’ny volana martsa 2021 lasa teo, fotoana azo lazaina fa mbola niainantsika tao anatin’ny valanaretina coronavirus, saingy mbola tsy nidina hatramin’izao, fa manao lanja miakatra hatrany, raha zohiana amin’io antontan’isa io. Asa inona loatra no antony ? Mitombina ve ny fisiana bizina fanafody amina orinasa goavana satria misy tompon’andraikitra ambony amin’ny lafiny fahasalamana manomboka voatonontonona amin’izany? Ny azo hamehezana azy, tsy voafehy ny fidangan’ny vidim-piainana eto amintsika. Tany amin’ny janoary-martsa 2021, dia efa manodidina ny 1,8% isam-bolana io fisondrotry ny vidim-piainana io, raha ny tatitra tamin’ny volana martsa 2021. Mbola sahin’ny mpitondra ny manao kabary politika miaro fampiesonana manara-penitra fa hivaha ao anatin’ny 3 andro ny olana kanefa izao ny zava-misy. Raha tsy mampanantena poak’aty dia mitady hanilihana, toy ny fitanisana ny saran’ny fitaterana niakatra 1000% kanefa dia mbola sahy mirehareha fa fampandrosoana ny fanafarana na fatratra aza ny fitanisana ny olana aminy.
Toky R