ny fifantohana amin'ny filàna tolotra ara-pahasalamana, hoy ny fampitam-baovaon’ny Masoivoho Amerikanina. Dingana voalohany ny atrikasa momba ny fahasalaman-tsaina natao ny 6-7 jona teo. Fihaonambem-pirenena voalohany mampivondrona mpandray anjara maherin'ny 160, ahitana mpisehatra, mpikaroka, mpanome tolotra ara-pahasalamana ary mpamatsy vola io. Mikendry ny hampiroborobo ny fahatakarana ny tontolon'ny fahasalaman-tsaina eto Madagasikara, hamantarana ireo fanamby lehibe, ary hamolavola paikady sy hetsika laharam-pahamehana. Hitondra ny heviny amin'ny fanavaozana ny paikady nasionaly momba ny fahasalaman-tsaina ireo mpandray anjara. I Madagasikara, tahaka ny firenena maro, dia miady amin'ny tolotra ara-pahasalamana voafetra, ny tsy fahampian'ny manam-pahaizana manokana, ny tsy fahampian'ny fiofanana momba ny fahasalamana fototra, ary ny tsy fahampian'ny famatsiam-bola. Nanasongadina ny filana fomba fiasa mivelatra kokoa amin'ny fahasalaman-tsaina, manantitrantitra ny fanohanana ara-tsaina, manatsara ny fahaiza-miady amin'ny adin-tsaina, mampiroborobo ny fanohanan'ny mpiara-miombon’antoka, ary mampiroborobo ny faharetana sy ny fitomboana amin'ny alàlan'ny fandehanana mihoatra ny modely ara-pitsaboana nentim-paharazana ny fihaonambem-pirenena. Amin’ny alalan’ny tetikasa CERF ho fiatrehana ny haintany, ny OMS dia nanome fikarakarana ara-pahasalamana sy fitsaboana ho an'ny olona voan'ny fahasembanana tamin'ny taon-dasa, tany Atsimon’ny Madagasikara ary manohy manitatra ny ezaka ataony amin'ny fanomezana toro-hevitra ara-tsaina bebe kokoa. “Tsy maintsy ho laharam-pahamehana ho an'ny faritra samihafa eto amin'ny firenena ny fananana tolotra neurolojia sy tobim-pahasalamana bebe kokoa amin'ny taona ho avy. (…) Noho ny fanoloran-tenan’ny tsirairay dia hiarahantsika miatrika ny toe-pahasalamana manjaka eto Madagasikara sy miatrika ny olan’ny fahasalamam-bahoaka any ambanivohitra mba hisian’ny fahasalamana tsara ho an’ny rehetra, ka tsy hisy ho tavela intsony”. Hoy ny nambaran’i Dr. Laurent Musango , Solontena Maharitry ny OMS eto Madagasikara. Namolavola ny paikady momba ny fahasalaman-tsaina voalohany ny USAID ary nanendry Mpandrindra Iraisampirenena ho an’ny Fahasalaman-tsaina, Dr Jerome Galea, izay nivahiny teto Madagasikara nandritra ity hetsika ity. "Eto anivon’ny USAID, mino izahay fa tena ilaina amin'ny sehatra rehetra amin'ny fampandrosoana sy ny fanampiana maha-olona ny fahasalaman-tsaina sy ny fanohanana ara-tsaina”, hoy ny Dr. Galea.
Toky R
Mikasa hamita tetikasa famatsian-drano ankehitriny ny fikambanana Mamiratra Antehiroka,
Nampitolagaga ny maro ny fihetsiky ny vehivavy iray tao Toamasina omaly.
Mahamasina Hanomboka anio Alarobia 24 Jolay etsy amin’ny kianjan’i Barea Mahamasina ilay Foara Trano