Tafakatra 10 izy ireo hatramin’ny omaly ka zaza amam-behivavy no betsaka. Raha araka ny fanazavan’ny Minisitry ny jono dia ahiana ho noho ny bakteria tamin'ilay hena-tsokatra izay efa maty andro maromaro talohan’ny nihinanana azy no nitarika ilay fanapoizinana sy ny fahafatesan'olona tahaka izao. Nohamafisiny araka izany ny fanaraha-maso ny fahasalaman’ireo marary izay mbola mahatratra 140 isa ankehitriny ary samy mbola tazonina ao amin’ny hopitaly manara-penitra ao Morondava avokoa. Mbola maimaimpoana hatrany moa ny fandraisana an-tanana azy ireo hoy ny vaovao. Ny 24 jona lasa teo raha tsiahivina no niseho ity fahapoizinana ara-tsakafo ity ka fanina, nandoa ary nivalana avokoa ireo olona lasibatra rehetra, antony tsy nahatazonan’ny sasany ny ainy intsony.
Tsara ho marihana fa efa mpitranga isan-taona ity fihinana fano mahafaty olona ity, ka mila hamafisina sy atao hentitra kokoa angamba ny fepetra fanarahamaso sy indrindra fa ny fanentanana ny olona amin’ny toerana misy azy ireny.
Nangonin’i Pati
Legende : Ny Ministry ny Jono sy ny toeekarena manga Mahatante Paubert, nitafa tamin’ny mpanao gazety omaly
Taorian’ny fitarainan’ny vahoakan’Andranambo Ambodihady Ambohimanarina anatin’ny Boriborintany
Ireo mpivarotra no anisan’ny lohalaharana amin’ny fandotoana ny tsena avy amin’ireo karazana kojakoja hampiasainy sy hamidiny.