Sosialy

hoy ny avy eo anivon’ny hetsiky ny fanoherana izany na MCI. Isany ny vary izay foto-tsakafo sy ilain’ny Malagasy isan’andro. Raha nanome sosokevitra ny fanjakana foibe ny amin’ity fanafarana vary amidy mora ity dia hitantsika ary hitanay tamin’ny fidinana ifotony nataonay, hoy ny filohan’izy ireo, Lalaina Razafindralambo, fa tsy nampidina ny vidim-bary vokatra eto an-toerana, izay tsara kalitao sy be mpitia, izany fa vao miha nampiakatra azy. Tsy vahaolana izany ny fanafarana vary na ho amidy 200 ariary aza ny kapoaka satria tsy manara-penitra ny kalitao. Tsy tokony hahazo fahazoan-dalana ho amidy na “certificat de consommabilité” akory. Afaka midina mijery ny zava-misy ny minisitera fa tsy voafehy intsony ny fiakaran’ny vidim-bary. Tsy manan-danja ny dikan’izay ny vary nafarana. Apetrao amin’ny toerany ny sehatra tokony hikarakara ny resaka vary eto Madagasikara dia ny PCA izany. Tomponandraikitra voalohany amin’ny fikirakirana vary eto Madagasikara io vovonana io. Misy solontenan’ny mpiaro ny zon’ny mpanjifa, ny mpamongady, mpamboly, mpandraharaha ao. Aoka isika mba samy hifanaja sy hahay hametraka ny toeran’ny tsirairay avy amin’ny asany ary isika mpiaro ny zon’ny mpanjifa koa aoka tsy hanaiky atao marionety, hoy hatrany ny MCI.

J. Mirija