Mpifankatia tsy ampy taona niara-nitsoaka

ny mpifankatia tsy ampy taona niara-nitsoaka niala ny fonenan’izy ireo ny tolakandron’ny sabotsy teo. An-dalana mihazo an'Ankadimbahoaka no fahita azy ireo, hoy ny nitatitra ny vaovao tamin’ny rain’ilay zazavavy, 16 taona antsoina hoe Rianala. Niangavy ireo eny amin'ny manodidina an’Ambohitsoa, Mahazoarivo, Androndra, Ankadimbahoaka, Fasan'ny karana, noho izany, ilay raim-pianakaviana hampandre raha mahita ireto mpifankatia lahy sy vavy tsy ampy taona niara-nitsoaka ireto. Ny marainan'ny Alarobia 30 aprily teo, raha efa lasa naterina nianatra i Rianala no nandalo tao an-trano io bandy io nitady azy, hoy ny fanamarihan’ny fianakavian’ity tovovavy ity. Tsy nianatra io bandy io ny Alarobia maraina. Rianala kosa mbola tany am-pianarana. Ny atoandro dia niara-tsy hita ry zareo. Fohifohy, 1,50 metatra i Rianala, fotsy fihodirana ka mora fantatra. Ilay bandy kosa 1,65 metatra. Raha hitanareo re ity ry izy roa dia modia fa tena mimpenimpenina ny ray aman-dreninareo. Milavo lefona izy. Tena mampalahelo, hoy hatrany ny fitarainana! Andrasana, araka izany, ny fanampim-baovao fanampiny mikasika ity tranga ity.
Nangonin’i J. Mirija