airtel

Sosialy

17-juin-2024

Ny valala tsy maty, tonga indray ny voalavo

Potika ny voly, ahiana ny Pesta

Sample post image

Potika ny an-tsasamanilan’ny fambolen’ireo mponina any amin’ny distrikan’i Morombe.

17-juin-2024

Noho ny firongatr’ireo andiam-boalavo voalaza ho hafahafa no anton’izany ka ny vary no tena hataony mahita faisana. Tsy hanavahana izany na an-tanimbary na voly avotra. Ho an’ireto farany dia mandavaka ireo voalavo ary mipetraka ao ambanin’ilay vary mihitsy izy sy ny fianakaviany . Ho an’ny eny an-tanimbary indray raha ny fanazavan’ireo tantsaha dia mahasahy milomano mihitsy izy ireo satria tsy mataho-drano ka mihinana izay laniny. Tsy latsa-danja amin’izany ny mahazo ireo vomanga sy mangahazo. Tapahin’ireo biby kely ireo eny ifotony mihitsy ny fakan’ireo vokatra ireo ary haniny izay voany efa misy. Velon-taraina mafy ireo tantsaha noho izany. Tsy misy antenaina intsony mantsy ny fambolena izay efa tsy nitandroana nisasarana nefa ny vola lany koa tsy misy tafaverina. Nanginy fotsiny ny aretina pesta izay tena atahoran’izy ireo fatratra ihany koa. Raha ireto andiam-boalavo ireto mantsy sanatria no miakatra an-tanana rehefa tsy mahita hohanina intsony hoy ny mponina dia ho ripaky ny aretina vokatry ny parasy entiny ihany koa ny mponina raha sanatria ka misy izany. Tsy mbola nisy moa hatreto ny fepetra noraisin’ny Fitondram-panjakana hiarovana na hanampiana azy ireo hoy hatrany ny mponina. Ny valala tsy voafehy any amin’ny tapany atsimo andrefan’i Madagasikara, dia io ihany koa fa misy ny toerana lasibatry ny voalavo. Henjana ny mety ho voka-dratsiny.
Pati
Legende : Tokony hanaovana operation tahaka izao ireo andiam-boalavo any Morombe any !
 

Dans la même rubrique

19-juil-2024

Mbola tsy dia fantatry ny olona loatra ny atao hoe CAREA na

Card image cap
19-juil-2024

Niara-tapaka tamin’ny famatsiana herinaratra ny famatsian-dranon’ny orinasa Jiro sy rano malagasy na JIRAMA,

Card image cap
18-juil-2024

Hotanterahina ny 07 ka hatramin’ny 11 Aogositra ho avy izao indray ilay hetsika Fier Mada andiany faha-25

Card image cap
18-juil-2024

Toy ny isan-taona dia manavao ny fizarana bodofotsy ho an’ireo tokantrano sahirana

Card image cap