tia tanindrazana

Parution du Mercredi, 20 Octobre 2021

airtel

Sosialy

OTIV Boeny Mangahiahy fotsiny sisa ireo mpikambana nanana petrabola tao

Mahatsiaro voarirarira ireo mpikambana nanana petrabola tao OTIV Boeny.

16-mars-2021

Sample post image

 

 


 Nazava ny tatitry ny filankevitry ny minisitra natao tao amin’ny lapam-panjakana Iavoloha ny alarobia 06 janoary 2021 milaza fa tsy maintsy haverina ny ampahany amin’ny volan’ireo mpikambana. Araka io tati-baovao io hatrany dia ny fanjakana amin’ny alalan’ny Paositra Malagasy no hanampy amin’ny famerenana amin’ny ampahany ny tahirim-bola napetrak’ireo mpikambana voafitaka tao anatin’ny fampindramam-bola madinika OTIV Boeny. Ary, tsy maintsy mamerina ny vola nahodiny ireo rehetra mpitantana sy mpiasa voarohirohy tamin’izany ary hotohizana ny fanenjehana azy ireo araka izay voafaritry ny làlana. Telo volana aty aoriana, tsy mbola misy mangirana ny famerenam-bola hoy ireo mpikambana manana petrabola tao. Tsy very hafoy nefa koa tsy hita hantenaina ny volanay mihitsoka ao amin’ny OTIV Boeny, hoy izy ireo. Alefa mankany amin’ny Paositra izahay, fa hoe efa nisy fifanarahana eo amin’ny PAOMA (Paositra Malagasy) sy ny OTIV Boeny rehefa noraisin’ny fitondram-panjakana an-tànana mivantana famahana ny olan’ny OTIV Boeny, amin’ny alàlan’ny fidirana an-tsehatry ny Ministeran’ny Paositra sy ny Fifandraisan-davitra ary ny Fampiroboroboana ny Haitao ara-kajy mirindra. Nisy ny fanaovan-tsonia ny fifanaraham-piaraha-miasa mikasika izay famahana ny olan’ny OTIV Boeny izay tao Antananarivo. Rehefa tonga any amin’ny Paositra anefa izahay dia milaza indray ny ao fa tsy mbola misy resaka mikasika izany famerenam-bolan’ny mpikambana tao amin’ny OTIV Boeny izany. Very fanahy izahay, hoy ireo mpikambana, izay nomena fampanantenana fa ho voavaha tamin’ny jona 2019 ity olana ity nefa hatramin’izao manjary tompony mangatak’atiny.

Jean D.

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus