tia tanindrazana

Parution du Mercredi, 20 Octobre 2021

airtel

Sosialy

Saika hifindra monina an-tsokosoko Malagasy 53 indray no tratra tany Mayotte

Kazarana sambo kely na ireny antsoina hoe: Kwassas ireny miisa 6 no tsikaritry ny tafika an-dranomasina tatsy Mayotte ary nosambotin’ny borigady an-dranomasina sy ny polisy mpiaro ny sisin-tany,

20-sept-2021

Sample post image

 ary zandarimaria ny alin’ny zoma hifoha sabotsy teo. Olona 120 no voasambotra tao anatin’izany, ka ny 5 tamin’ireo dia ireo mpampita sy mpitatitra. Amin’ny maha departemanta Frantsay an’I Mayotte, noho ny fanetsehana ny Minisitr’I Eoropa sy ny raharaham-bahiny, ary ny tafika misahana ny fandriampahalemana ao an-toerana, ny DASAC. OI (Aviation Civile Française), ary noho ny fanekena sy fifanarahana tamin’ny governemanta Malagasy, dia mpitsoa-ponenana antsokosoko 53 avy aty Madagasikara no naverina an-tanindrazana tamin’ny alalan’ny sidina an’habakabaka ny sabotsy takariva. 24 ora taorian’ny nahatongavan’izy ireo no natao ny fampodiana, ka notemerin’ny polisy mpiambina ny sisin-tany ireto mpitsoa-ponenana antsokotsoko ireto tamin’io fampodiana io, hoy ny vaovao avy any ivelany. Omaly alahady, nanao ny fombafomba nampisintahana hanalavitra an’I Anjouan Kaomorianina miisa 58 noho izy ireo tsy ara-dalàna sy misy pitsopitsony maro tsy milamina ihany koa ny polisin’ny CRA. Voalaza fa efa fanao io, ary anatin’ny fahaiza-manao tanteraka. Naneho ny fisaorana sy fankasitrahana ireo mpitandro ny filaminana miandahy miambavy nanao izay ho afany na an-dranomasina na an-tanety tamin’ny ady amin’ireo mpifindra monina tsy ara-dalàna any aminy ny Préfet-ny Mayotte Thierry Suquet izay iraka manokan’ny governemanta manoloana ny vokatra azon’izy ireo. Ao anatin’ny antsoina hoe:: “Opération Shikandra” ny ao Mayotte amin’izao fotoana izao, hiadiana amin’ny firongatry ny mpifindra monina tsy ara-dalàna. Raha tarafina amin’ity toe-javatra ity, mibanaka tanteraka izany ny sisin-tanin’I Madagasikara, ary efa any ivelany vao tratra ny mpitsoa-ponenana. Ny mpanao trafikana harem-pirenena izany mety manararaotra toy ny banga mihomehy alina mihitsy.
Toky R
 

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus