airtel

Sosialy

12-mai-2023

Sosialy

Sehatra tsy miankina Tsy vita ny mampihatra ilay karama farany ambany 250 000 Ar

Sample post image

Niaiky ny avy eo amin’ny vondron’ny orinasa Malagasy na ny GEM fa tena tsy mbola tratra ilay karama farany ambany 250 000 Ar amin’ity taona ity.

12-mai-2023

Azo eritreretina kosa anefa hy hampiharana izany amin’ny 2024, hoy ny filohan’ny GEM Thierry Rajaona omaly. Etsy ankilan’izay dia tsy mbola namoaka tamin’ny fomba ofisialy ny karama farany ambany ny fanjakana ; hatreto aloha dia 230 000 Ar no karama farany ambany efa niresahan’ ny mpiasa sy ny mpampiasa rahatoa ka 217 000 Ar io teo aloha, nisy fiakarany 10 % izany , hoy ry zareo avy ao amin’ny GEM. Efa nihaona tamin’ny filoham-pirenena ny vondron’ny mpandraharaha sy tompona orinasa , saingy tena nilaza ny GEM fa tsy ho tratra aloha ilay 250 000 Ar amin’ity 2023 ity fa aleo amin’ny herintaona, fa raha vonona moa ny fanjakana hanampy dia raisina an-tananan-droa , saingy hita hany koa anefa fa sahirana ara- bola ny fanjakana .
FAHASAHIRANANA ISAN’ANDRO
Hita sy tsapa ho miantraika any amin’ny fitadiavana sy ny paosy, ary miantraika any amin’ny ati-vilanin’ny isan-tokantrano ilay fahasahiranana iainana eto amin’ny firenena amin’izao fotoana. Tena tsy tafavoaka raha tsy mitrosa kely etsy sy eroa, manoratra amin’ny karne eny amin’ny épicerie dia miezaka mandoa vola rehefa mandray karama, hoy ny renim-pianakaviana iray. Zara raha mahatody hatreo amin’ny faha-10 n’ny volana ny karama raisina, izany hoe voaloa ny hofan-trano, Jirama sy ny saram-pianaran’ny ankizy dia efa manidy ny am-pelatanana. Maro anefa ireo fianakaviana efa mandeha an-tongotra fa tsy mandeha taxibe intsony noho ilay saran-dalana 600 Ar izay tena mafy rehefa hoe mandroso sy miverina na voatery mandeha Taxi be roa samihafa. Ny tena manahirana koa anefa, raha ny firesaky ny tompona orinasa iray dia misy akony any amin’ny asa ilay fahasahiranana ; ka mismisy ihany ireo mpiasa no tsy mahatratra araka ny tokony ho izy ny tanjona napetraka taminy.
Legende : Atoa Thierry Rajaona, filohan’ny GEM
Nangonin’i RTT

 

Dans la même rubrique

19-juin-2024

Vita ny sehoseho ivelany tany Toamasina nitokanana ny tetikasa Miami izay tao anatin’ny 5 taona

Card image cap
18-juin-2024

Na dia efa hadrohadroan’ny mpanara-baovao aza hoe izao no fandrosoana eto amin’ny firenena aminy,

Card image cap
18-juin-2024

Tsy ny lozam-pifamoivoizana foana akory no hahafantarana ireo mpitondra

Card image cap
18-juin-2024

Nanohana akaiky ireo mpanome ra an-tsitrapo ny orinasa Star.Niara-niasa tamin’ny

Card image cap