Sosialy

sekretera jeneralin’ny vovonana sendikaly SVS tamin’ny sabotsy teo dia mahatratra 53 be izao ireo lalàna efa lany andro ao anatin’izany ka tokony havaozina sy hatsaraina. Anisan’ireny ny fandroahana fahatany ireo mpiasa efa niasa 10 taona no mihoatra tamina orinasa iray. Toraka izany koa ireo miasa 6 taona amina orinasa iray nefa mbola tsy mpiasa raikitra hatrany foana. Any Guinée anefa raha araka ny fanazavany dia roa taona ihany ny mpiasa iray raha ela dia lasa mpiasa raikitra tanteraka koa ahoana no tsy hahavitantsika eto Madagasikara izany. Anisan’ny antony nikarakaran’ny sendika SVS ilay Tatasika sendikaly natombony tamin’ny sabotsy hariva teo izany teny amin’ny biraony eny amin’ny 67 ha. Rehefa tsy hihaino ny fanjakana hoy izy ireo dia ny mpiasa no ezahina hampahafantarina izany mba hahalalan’izy ireo ny tokony hataony indrindra manoloana ny antsojay hataon’ny mpampiasa. Hisy hatrany moa ity tatasika sendikaly karakarain’izy ireo ity ka ho an’ireo tsy afaka manatrika izany mivantana dia azony hatao ihany koa ny mandray fanazavana ao anatin’ny tambajotran-tserasera facebook-n’ny sendika.
Pati