Sosialy

Miantoka zavatra maro loha tokoa mantsy ny fahadiovan’ny tanàna iray toy ny fahafahana misoroka ny aretina maro isan-tsokajiny, hafinaretan’ny maso ihany koa ny tanana madio no sady fanabeazana omena ny rehetra. Ny mampalahelo anefa dia maro amin’ireo olona eny anivon’ny fiaraha-monina no tsy mahatsapa izany. Misy aza ireo efa mahita fanariam-pako saingy malain-kisasatra ka mamorona toeran-kafa hanariana izany eny akaikiny arahin’ny fanariana sachet plastika anaty tata-drano sy ireo pot feno maloto. Misy ny hetsika fanadiovan-tanana tanterahina ho an’ny kaominina Talatamaty ho fiomanana sahady amin’ny fiatrehana ny fetim-pirenena 26 jona. Ankoatra ilay hetsika fanao in-telo isam-bolana dia misy ihany koa ny hetsika hataon’ny Fokontany tsirairay avy izay hitohy amin’ilay asa tagnamaro iarahana amin’ny rehetra ato ho ato. Ny isan-tokantrano mihitsy no tairina sy hetsehina mba handray anjara amin’izany raha araka ny fanadihadiana natao. Ny fanovana ilay toe-tsaina ho tia madio sy hahay hifanaja mihitsy moa raha araka ny fanazavan’ny Ben’ny tanàna no tena zava-dehibe fa fanombohana ihany ny fanentanana tahaka izao.
Pati
Legende : Misoroka aretina maro no sady hafinaretan’ny maso ny tanàna madio