miisa telo eto Madagasikara Antenimierampirenena. “ Maro be ny fitarainana voarain’ny solombavambahoaka, ka antony nananganana ny fanadihadiana parlemantera, ny depiote mifanerasera mivantana ny vahoaka, dia mahita ny fitarainana sy ny fimenomenonan’ny mpanjifa. Fahana ampidirina androany alina, tsy hita ny maraina. Ny mpanjifa mitaraina fa tsy mangaraharaha ny vidin’ny “forfaits”. Mba aiza ho aiza ihany koa ny fampidiram-bolan’ireo orinasan-tserasera amin’ny kitapombolam-panjakana?”, hoy ny Solombavambahoaka Mamangy Norbert. Asanay tanteraka izany, hoy hatrany io olom-boafidy io, naneho ny fahavononan’ny Parlemanta hanao fanadihadiana. Etsy ankilany, tsy faly tamin’izany ny orinasan-tserasera, ka nandefa taratasy tany amin’ny Praiminisitra, Filohan’ny Antenimieram-pirenena, Minisitry ny paositra, ny ARTEC ireo orinasa lehibe ireo. Nambaran’ny depiote Mamangy Norbert kosa fa fanambarana diso io aminy, ka nilazany fa tsy hihemotra eo anatrehan’ny tsindry ny antenimieram-pirenena. Andrasana noho izany izay mety ho vokatr’io fanadihadiana io izay azo ambara fa hafana raha tena ho tody hatramin’ny farany. Tsy hipetra-potsiny ihany koa anefa ireo orinasa goavana rehefa zohiana ny fandehan-draharaha. Ny andraindrain’ny rehetra dia hiteraka fihatsarana any amin’ny tolotra sitrahan’ny vahoaka izany satria tsy takona hafenina ny lesoka sy ny zavatra tsy mazava.
Toky R
Taorian’ny fitarainan’ny vahoakan’Andranambo Ambodihady Ambohimanarina anatin’ny Boriborintany
Ireo mpivarotra no anisan’ny lohalaharana amin’ny fandotoana ny tsena avy amin’ireo karazana kojakoja hampiasainy sy hamidiny.