tia tanindrazana

Parution du Lundi, 20 Septembre 2021

airtel

Sosialy

Tovolahy vao 15 namoy ny ainy Voalaza fa nodarohana miaramila

Tsy hita nanomboka ny alahady hariva 6 jona 2021 teo ity zazalahy kely iray, saingy hita faty ny abotsy 12 jona 2021 teny am Hopitaly HJRA.

14-juin-2021

Sample post image

 

 Rambolamendrika Nasandratra Valimbavaka no anarany ; 15 taona; classe de 3 eme ao amin'ny sekoly Fanovozantsoa FJKM Ivato Seranana, izay vao namoy ny rainy 2 volana lasa izay, araka ny fanazavana. Nilalao teo akaikin’ny “terrain de basket” an’ny BANI Ivato ity zaza ity ny alahady 6 jona hariva teo. Nisy mpangalatra bisikileta tratra, avy eo anefa dia nisy nahita an'io zaza io nenjehin’ny miaramila izay voalaza fa avy ao amin'ny BANI Ivato nikasi-tànana sy namono io zaza io, raha ny vaovao sy ny resaka niely. Nitady azy ny fianakaviany nanomboka ny alatsinainy teo ka nilaza izy ireo fa narirariran'ny miaramila tao amin’ny BANI Ivato satria ny olona rehetra dia nieritreritra fa nidina tao am BANI Ivato io ankizy io. Nisy manamboninahitra tao amin’ny BANI nilaza tamin ny zoky vaviny fa naterina tany amin’ny “Urgence” izy, hoy hatrany ny fitantarana. Rehefa nojerena anefa ny tao amin’ny “Urgence” dia tsy hita tao sady tsy tao anaty lisitry ny marary. Araka ny voalaza dia naterina tamin’ny fiara “4X4” an’ny BANI ihany io zaza io ary efa tao amin'ny tranom-paty no hita. Omaly no voalaza fa atao ny “autopsie”, ary araka ny nambaran'ny havany dia nivoaka ra ny sofiny. Anio alatsinainy no hanantanterahana ny fandevenana ary apetraka eo akaikin ny Rainy izay maty vao 2 volana monja izy. Maro be ireo mpisehatra tao anatin’ny tambajotra sosialy hatry ny omaly tolakandro no nankahery ny fianakaviany, ary mangataka amin’ny tompon’andraikitra rehetra mba hijery ny tena marina amin'izao toe-javatra izao fa tsy sanatria ho vita moramora foana satria na inona na inona mety ho antsony, tsy ao ekena izany fidarohana zaza tsy ampy taona ary nitarika fahafatesana izany.

 Toky R

Dans la même rubrique

Card image cap
Saika hifindra monina an-tsokosoko Malagasy 53 indray no tratra tany Mayotte
20-sept-2021

Kazarana sambo kely na ireny antsoina hoe: Kwassas ireny miisa 6 no tsikaritry ny tafika an-dranomasina tatsy Mayotte ary nosambotin’ny borigady an-dranomasina sy ny polisy mpiaro ny sisin-tany,

Card image cap
Famonoana zaza tany Ambositra Olona 4 naiditra am-ponja
20-sept-2021

Olona 4 no fantatra fa voasambotra ary efa naiditra am-ponja tamin’ny faran’ny herinandro teo tany amin’ny kaominina ambanivohitra Ambositra,

Card image cap
Antananarivo renivohitra sy ny manodidina Gaboraraka ny fety sy kotaba manimba fiarahamonina
20-sept-2021

Toe-javatra mateti-piseho eny anivon’ny fiaraha-monina ny fanaovana fety izay matetika hisiana kotaba amin’ny endriny maro, zava-maneno tsy hifankahitana, savorovoro, fimamoana,…

Card image cap
Asa sy fihariana Miroborobo ny resaka zaitra
17-sept-2021

Niroborobo sy nahazo vahana teto amintsika ny resaka zaitra hatramin’ny nisian’ny valan’aretina Covid 19 ka niteraka ny fihibohana teto amintsika.

Card image cap
Vary safiotra Mahatratra 12 taonina isaky ny hektara ny vokatra
17-sept-2021

Araka ny fanazavan’ny vondron’orinasa mpisehatra eo amin’ny vary safiotra na “hybride”, STOI, tetsy amin’ny foara iraisampirenena Malagasy na FIM tetsy Tanjombato omaly,

Card image cap
Hopitaly Befelatanana Ramatoa roa marary tsy misy mpanampy
17-sept-2021

Ramatoa roa marary mafy no fantatra fa tsy misy mpiahy ao amin'ny hopitaly Befelatanana. Kohadavareny sy aretim-po no mahazo azy ireo hoy ny vaovao.

Voir plus