Tranga mbola tsy nisy hatramin’izay io, hoy ny fanamarihany. Miova ny toetr’andro, ripaka ny ala, isika ihany no mibaby ny vokany. Tokony hisy fepetra raisina haingana fa raha mitohy izao ho sahirana isika, hoy hatrany ny tenany. Eo foana moa ilay mampametra-panontaniana hoe fepetra inona ihany izany no mbola tsy hita tao anatin’izay atrikasa marobe nisy teto amin’ny firenena izay na teo amin’ny resaka rano ion a tontolo iainana na hafa? Tsy efa tany amin’ny taona 1970 tany ho any ve no nisian’ny fananarana tsy hanao tavy sy handoro tanety, ohatra? Maninona no hatramin’izao no tsy mety voafehy izany fa vao mainka mirongatra? Tsy ny mpitondra isan’ambaratonga ve no tokony hitarika amin’izany hoe fanabeazana ara-tontolo iainana izany ary tsy vitan’ny hoe manabe fehy manabe amin’ny fomba efa lany andro intsony fa mba mitady vahaolana mifanaraka amin’ny toetr’andro sy zava-misy amin’izay ?
J. Mirija
Tahaka ireo fokontany sasany ao anatin’ny Boriborintany faha-5 eto Antananarivo,
Nanambara ny filoham-pirenena, Andry Rajoelina, raha ny fampitam-baovao voaray omaly,
Nanatanteraka valan-dresaka ho an'ny mpanao gazety ireo tale vitsivitsy eo anivon'ny Kaominina Antananarivo
Lasa tanana mampalahelo, feno entana miparitaka ny etsy Ampefiloha ambadiky ny Cnaps