tia tanindrazana

Parution du Mercredi, 20 Octobre 2021

airtel

Sosialy

Vary safiotra Mahatratra 12 taonina isaky ny hektara ny vokatra

Araka ny fanazavan’ny vondron’orinasa mpisehatra eo amin’ny vary safiotra na “hybride”, STOI, tetsy amin’ny foara iraisampirenena Malagasy na FIM tetsy Tanjombato omaly,

17-sept-2021

Sample post image

 dia miditra amin’ny taona fahadimy eo amin’ny fampiroboroboana ity fomba famokaram-bary ity izy ireo ankehitriny. Tanjona, hoy ny tomponandraikitra, Tahiana Razanamahefa, ny hambolena ity karazam-bary ity manerana an’I Madagasikara. Raha faritra miisa 3 no nanombohana azy tamin’ny 3 taona lasa dia efa hisehatra manerana ny faritra 23 ankehitriny, hoy izy. Iaraha-miasa ny minisiteran’ny fambolena sy ireo governoram-paritra ao anatin’izany. Velaran-tany 30.000ha no enjehana hamokarana azy ity. Mitombo be tsy toy ireo vary mahazatra antsika ny vokatra vary safiotra. Raha 3,5 taonina isaky ny hektara eo ny vary mahazatra dia ity kosa mahatratra 8 hatramin’ny 12 taonina isaky ny hektara. Mampiakatra ny vola miditra ho an’ny tantsaha izy, noho izany. Raha ny vary mahazatra dia eo amin’ny 700.000 ariary eo ny tombony tsy voaodina na “marge brute” azon’ny tantsaha isaky ny hektara. 4.000.000 hatramin’ny 5.000.000 ariary isaky ny hektara kosa ny vola miditra amin’ny tantsaha mamokatra vary safiotra. Ny taona 2019-2020 dia nozarain’ny fanjakana masombolina vary safiotra ny tantsaha tao anatin’ny sehatry ny fanentanana momba izany. Izay no nahitana ilay vokatra voalaza teo. Tanjona ny fampandrosoana ifotony mba hahavitantsika tena ara-tsakafo amin’ny alalan’izy io. Eo koa ny fampiakarana ny vola miditra ho an’ny tantsaha mpamboly izay 90%n’ny Malagasy. Faniriana sy fanamby hapetraka ny hahatonga an’I Madagasikara ho mpanondrana vary. Misy tekinika ampiarahana amin’izany fomba famokarana izany. Izany hoe ny aty amin’ny sehatra tsy miankina no manome ny tantsaha ny ilaina rehetra toy ny masomboly sy zezika izay vokarinay ihany. Tamberiny avy amin’ny tantsaha kosa ny fanomezany anay varim-bazaha. Efa mividy ny vokatra ho an’ny tantsaha koa izahay. Misy koa, mazava ho azy, ny tantsoroka tekinika atao amin’ireo tantsaha. Iny Atsimo andrefana, Ihorombe, Ambahikily iny dia mahavita 3 taona isan-taona ny vokatra vary safiotra satria mety tsara ny rano sy toetr’andro amin’ilay tanimbary. Tombanana ho tratra ao anaty 2 taona ilay fahavitana ara-tsakafo amin’io raha tsy misy ny sampona, hoy hatrany ny fanazavana, satria dia avo 3 heny fara-fahakeliny amin’ny vary mahazatra no vokatra azo aminy.
J. Mirija

 

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus