airtel

Sosialy

26-avril-2024

VARY TONGA TAO ANTSIRANANA

50 taonina tamin’ireo 1.060 simba avokoa

Sample post image

Lasa atahoranabe ireo vary mitoby na vao tonga any amin’ny seranan-tsambo eto amintsika amin’izao.

26-avril-2024

Nahatratra 50, 6 taonina tamin’ireo vary milanja 1.060 taonina tonga tao Ramena Antsiranana ny 25 Aprily teo mantsy no fantatra fa simba. Taorian’ny analizy natao teo anivon’ny laboratoara any an-toerana no nahafantarana izany ka nanosika ny talem-paritra ny varotra sy ny fanjifana ao amin'ny faritra DIANA, Atoa Tanigna Romuald Florentin sy ny mpitandro ny filaminana rehetra ary ny avy eo anivon'ny fadin-tseranana any an-toerana nandray ny andraikiny. Nodorana avy hatrany ireo vary simba ireo, hetsika natao tao amin'ny kaominina ambanivohitra Ramena distrikan’ Antsiranana ihany. Ny mba hahafahana miaro ny ain’ny mponina no tanjona. Raha hariana amina toerana iray fotsiny tokoa mantsy na alevina ireo vary simba ireo dia tsy maintsy mbola hisy haka ihany noho ny fahasahiranan’ny olona ateraky ny fidangan’ny vidim-piainana ankehitriny indrindra fa ny vary.
Pati
Legende : Nidedadeda tahaka izao ny fandorana ireo vary simba !
 

Dans la même rubrique

25-juil-2024

Mikasa hamita tetikasa famatsian-drano ankehitriny ny fikambanana Mamiratra Antehiroka,

Card image cap
25-juil-2024

Nampitolagaga ny maro ny fihetsiky ny vehivavy iray tao Toamasina omaly.

Card image cap
24-juil-2024

Mahamasina Hanomboka anio Alarobia 24 Jolay etsy amin’ny kianjan’i Barea Mahamasina ilay Foara Trano

Card image cap