tia tanindrazana

Parution du Jeudi, 30 Juin 2022

airtel

Sosialy

Vidim-piainana “Ilaina fehezina ireo Indo-pakistanais”

Anatina kihon-dalana tsy azo ihodivirana hidirana amin’ny antsoina hoe “multi-polarité” isika izao, hoy ny antoko politika Teza.

31-mars-2022

Sample post image

Hatramin’izay raha niongana ny firehana na “bloc” sosialista dia ny tandrefana no nanao ny antsoina hoe fanatontoloana araka ny fombafomba fisainany na fiheverany, hoy ny filohan’izy ireo, Jean Louis Rakotoamboa. Notereny mivantana na an-kolaka izao tontolo izao hanaraka izany. Noteren’ny banky iraisampirenena sy ny FMI hanao ny hoe “ajustement structurel” na fanitsiana ara-drafitra isika. Noterena hamadika ny sehatra misy ho tsy miankina dia notatazan’ny frantsay daholo ireo bankintsika sy ireo orinasa vaventiventy isan-karazany. Izay firenena misy mpitondra tsy tiany dia nodarohany. Irak izao dia nolazaina fa satana indrindra eto ambonin’ny tany I Sadam Houssein. Khadafi koa nopotehiny tany Libia. Tsy misy tafarina hatramin’izao ireny firenena ireny. Toy izany koa I Yougoslavie. Izay ilay “monde mono-polaire” na “mini-polaire” izay hanjakan’ny tandrefana. Izy no mametraka ireny tribonaly iraisampirenena ireny. Izy no manao ireny fandaminana iraisampirenena momba ny varotra na “organisation mondial du commerce” ireny izay hoe tsy tokony hisy ny « barrière douanière » na sakana amin’ny fadin-tseranana eran’izao tontolo izao. Nony niditra tamin’izany anefa ny sinoa dia izy indray no nanisy « barrière douanière ». Io ady any Okrainina io izany dia kihon-dalana iray mankany amin’ny “monde multi-polaire” izay tsy maintsy ho mafy vao hifarana ny ady satria efa ho tratran’ny rosianina ny tanjona kendreny dia ny tsy hidiran’ny okrainianina amin’ny resaka OTAN intsony ary indrindra ny fanalana fiankinan-doha ireo firenena miisa 2 ao. Hisy hery ara-toekarena sy tafika maro hiseho eto amin’izao tontolo izao ato ho ato. Mety eo ihany ny amerikanina sy eoropeanina fa ho eo koa ny rosianina, indianina, sinoa ary hafa aty amin’ny Moyen Orient aty. Tsy nanaiky hanaraka ny tenin’ny amerikanina intsony ny Emirat sy Arabia saodita ary manomboka tsy vidiana amin’ny dolara intsony ny solika fa efa manaiky Yen, izay vola sinoa izao, I Arabia saodita. Ny rosianina koa izao miteny hoe Rumbl fa Euro na dolara intsony ividianana gazy natoraly aty aminay. Nitaraina tany Venezoela ny amerikanina hoe mba ivaroty solika kanjo esory aminay aloha ny famaizana ara-toekarena. Toy izany koa I Iran. Tsy hanaiky lembenana intsony, araka izany, izao tontolo izao. Ilaina fehezina tsy ampiakatra ny vidim-piainana, noho izany, ireo Indo-pakistanay eto amintsika, hoy hatrany ny Teza, nefa ireo no nanohana ny fitondrana Rajoelina tamin’ny fifidianana.
J. Mirija
 

Dans la même rubrique

Card image cap
Oniversitem-panjakana Mangotraka indray ny fitakiana vatsim-pianarana
30-juin-2022

Miverina indray ny fitakiana vatsim-pianarana eny amin’ny anjerimanontolo. Raikitra ny grevy teny amin’ny Sekoly ambony politeknika Vontovorona omaly. Niditra tamin’ny fanakanan-dàlana sy fandorana kodiarana.

Card image cap
Faritra Menabe Mandravarava ny andiam-balala
29-juin-2022

Nampaneno lakolosy ny depioten’i Morondava Christophe Tsiliva Didiot omaly nandritra ny fihaonan’ny solombavambahoaka sy ny governemanta omaly,

Card image cap
Tsy fanjarian-tsakafo aty Afrika Hamoaka 2,3 miliara dolara ny Banky Iraisam-pirenena
29-juin-2022

Nankatoavin’ny Banky Iraisam-pirenena ny fandaharan’asa FSRP (Programme de résilience des systèmes alimentaires pour l'Afrique de l’Est et australe) misy famatsiam-bola mahatratra 2,3miliara dolara.

Voir plus