ny tahan’ny fiakaran’ny vidim-pianana ny janoary 2023 hatramin’ny janoary 2024, raha ny antontan’isa navoakan’ny Ivon-toeram-pirenena momba ny statistika na ny INSTAT. Ho an’ny vidim-bary manokana, nahatratra 7,9% ny tahan’ny sondro-bidiny, raha toa ka 7,6% kosa ny entana ilaina andavanandro amin’ny ankampobeny na ny PPN sy ny vokatra ara-tsakafo sy ny zava-pisotro misy alikaola. Nahitana fiakarany 6,3% ihany koa ny angovo. Tafakatra hatrany amin’ny 11,0% kosa ny tontolon’ny tao-trano sy ny fampitaovana sy ny fikojakojana mifandraika amin’izany. Tafakatra hatrany amin’ny 9% ihany koa ny fiakarana teo amin’ny tontolon’ny fifandraisan-davitra, raha ny antontan’isan’ny INSTAT, izay notaterin’ny fampahalalam-baovao. Ny antontan’isa amin’ny ankampobeny izany, fa rehefa tena jerena sy dinihina amin’ny zavatra iainan’ny mponina amin’ny andavanandro, dia tena mihatra aman’aina ny sondro-bidim-piainana. Tena tsy mitsaha-midangana isan’andro, toy ireny fanamarihana mandeha ireny fa siramamy 5800Ar ny kilao herinandro lasa kanefa efa 6000Ar. Ampahany izany, fa ny menaka novidiana 5000Ar tany amin’ny 5 taona lasa efa maherin’ny 10000Ar ankehitriny. Toy izany ihany koa ny savony, voamaina, eny fa hatramin’ny anana aza. Ny fahefa-mividin’ny vahoaka miha milentika noho ny fahantrana sy fihemorana ara-toekarena, ny sandam-bola mitotongana kanefa tsy misy politika ara-toekarena sy ara-pamokarana hiatrehana izany fa mbola ny fanafarana entana no mibahan-toerana,… Toa sarotra amin’ny mpitondra anefa ny hiaiky fa tsy mahomby izy, miha milentika ny firenena,… kanefa dia mbola fiheboheboana no setriny raha tsy hampahatsiahy an’ilay hoe : nahay nitantanana eo anatrehan’ny sandan’ny Euro efa 5000Ar fa raha tsy nahay nitantana dia efa 10000Ar io.
Toky R
Mikasa hamita tetikasa famatsian-drano ankehitriny ny fikambanana Mamiratra Antehiroka,
Nampitolagaga ny maro ny fihetsiky ny vehivavy iray tao Toamasina omaly.
Mahamasina Hanomboka anio Alarobia 24 Jolay etsy amin’ny kianjan’i Barea Mahamasina ilay Foara Trano