tia tanindrazana

Parution du Mercredi, 20 Octobre 2021

airtel

Sosialy

Zaza menavava nisy nanary Avotra soamantsara, nomena anarana “AINA”

Ny zaza no mahafoy ray aman-dreny, fa ny ray aman-dreny tsy mahafoy zaza. Ankehitriny anefa,

16-mars-2021

Sample post image

 

 

 dia misy tokoa ny ray aman-dreny mahafoy ny zanany, ka mahavita manary izany. Zaza tsy niriana ? Disadisan-tokantrano ? Hasarotam-piainana ? Ny Alahady 28 Febroary 2021, dia nisy olona tsara sitrapo mipetraka ao Ambohidratrimo no nampilaza ny Talen'ny Akany Avoko Ambohidratrimo, Rtoa Andriandanja Lalasoa Nina fa misy zaza menava nisy nanary eo akaikin'ny vavahadiny. Tonga ny Filohan'ny Fokontany sy solontenan'ny Fokonolona hanatitra ilay zaza tao amin’ny Akany. Lahikely sahabo ho folo andro nahaterahana teo ilay zaza, ary tena mila vonjy maika ka noraisin’ny Talen'ny Akany ary nokarakariany avy hatrany (nandro, nomena sakafo...). Ny Filohan'ny Fokontany kosa dia nandeha nikarakara ny taratasy fametrahana azy tany amin’ny Zandarmaria. Raha ny tokony hatao dia nentina avy hatrany tany amin’ny Mpitsara ny zaza tsy ampy taona ilay zazakely mba hahazo didim-pitsarana ahafahana mametraka na manankina azy vonjimaika amina akany na fianakaviana (Ordonnance de placement proviso ire). Noho ny andro Alahady anefa dia nandray ny andraikiny ny Zandarmaria tao Ambohidratrimo. Tsy manao fananganan-jaza (adoption) ny Akany Avoko Ambohidratrimo dia sady tsy manana " Agrément" ho amin'izany. Manana zo hanana fianakaviana anefa ny zaza. Eo am-pikarakarana ny taratasin'ity zaza ity ny Mpiasa Sosialy mba ahafahana mamindra azy haingana any amin’ny Akany manao "adoption". Ny Talata 9 Marsa lasa teo dia tsy nety nisakafo ilay zazakely. Natahotra ny rehetra ka nentina tany amin’ny dokoteran’ny zaza (Pédiatre) izy. Tsy maintsy namoronana anarana haingana mba hosoratana ao amin’ny karine. "Aina" no anarana nomena azy, satria manana zo ho velona toa ny rehetra izy. Ankehitriny izy dia efa salama tsara ilay zazalahikely. Tsy maintsy ronono manokana anefa no omena azy. Mety hiova Akany tsy ho ela io zaza io raha vao vita ny taratasy famindrana azy.

Nangonin’i Jean D.

 

Dans la même rubrique

Card image cap
Fitakiana sy grevy Nanitsy ny vavabe nataony ny praiminisitra
20-oct-2021

Nilefitra ny Praiminisitra Lehiben’ny governemanta Atoa Ntsay Christian omaly eo anatrehan’ny grevy samihafa miseho eto amin’ny firenena.

Card image cap
Trafika goavana teny Ivato Safira, Emeraude mitentina 2 miliara Ar no tratra
20-oct-2021

Sarona indray ny fikasana hanao trafikana harem-pirenena goavana teny amin’ny seranam-piaramanidina Ivato omaly talata 19 oktobra.

Card image cap
Mpatory an-dalana etsy Anosy Zaza menavava 7 volana namoy ny ainy
20-oct-2021

Zazavavy kely iray tsy manan-tsiny zanaka mpatory an-dalana etsy Anosy no namoy ny ainy omaly atoandro tokony ho tamin’ny 10 ora tany ho any.

Card image cap
Kaominina Andranonahoatra Itaosy Maika ny fijerena ireo lalan-kely isan-tanana
20-oct-2021

Mbola tsy milatsaka akory ny ranon’orana dia efa velom-panahiana sahady ireo mponina sasany ao anatin’ny kaominina Andranonahoatra, distrikan’Antananarivo Atsimondrano.

Card image cap
Jiro sy rano Hiverina haka “Index” ny Jirama
18-oct-2021

Teboka maromaro no nambaran'ny Tale Jeneraly mpisolo toerana, Radanielina Rivo, ny faran’ny herinandro teo nandritra ny fidinana ifotony teny amin'ny masoivohon'ny JIRAMA Ambatonakanga

Card image cap
Tsena vaovao Behoririka Nisy mpivarotra nesorina tamin’ny toerany
18-oct-2021

Manomboka misy zavatra tsy milamina sahady eo anivon’ny tsena vaovao Behoririka, kaominina Antananarivo renivohitra.

Voir plus