27ème Rallye Castine Terre d’Occitanie

fiarakodia. Noporofoin'i Mika Rasoamaromaka tamin’ny 27ème Rallye Castine Terre d’Occitanie tany Frantsa ny faran’ny herinandro teo, teo amin'ny Clio Trophy satria nobatain’ny ekipazy Mika Rasoamaromaka sy Bastien Pouget tamin’ny alalan’ny fiara Peugoet ny laharana voalohany. Isa 76 no azon’izy ireo, raha toa ka 72 ny laharana faharoa Tom Pellerey-Hervé Faucher, ary teo amin’ny laharana fahatelo kosa i Faniry Rasoamaromaka rahalahiny, izay nahazo isa 70. Tsy vao sambany nandray anjara tamin’ny fifaninanana hazakazaka fiarakodia any ivelany moa ireto zanaky ny governoran’Analamanga ireto satria ny jolay 2022 dia laharana faharoa sy fahatelo izy ireo tamin’ny Rallye Terre de Langres Haute-Marne. Efa tena mipetraka noho izany ny anaran-dry zalahy ireto, ary heverina fa tena ho avin’ny taranja rallye, raha ny vokatra azon’izy ireo.
Nangonin’i Toky R