tia tanindrazana

Parution du Mardi, 7 Décembre 2021

airtel

Sport

Amboaran’ny kaonfederasionina 2021 Resy an-tanàna 3 noho 0 ny CFFA

Hita ho adin’ny samy tekinisianina ihany ny fihaonana teo amin’ny CFFA avy etsy Andoharanofotsy sy ny Grupo Desportivo Interclube avy atsy Angola nandritry ny lalao mandroso teo amin’ny

18-oct-2021

Sample post image

 1/16n-dalan’ny fiadiana ny amboaran’ny kaonfederasionina 2021 eo amin’ny taranja baolina kitra tetsy amin’ny kianja Barea Mahamasina omaly. Hita ho nanatombo lavitra na izany aza ry zareo angoley izay entin’ilay mpanazatra Espano-brezilianina, Beto Biancho, ary havanana tao anatin’ny fiainana ny atao hoe valim-panafihana na “contre attaque” satria dia valin’ady avokoa no nampikobana ny harato Malagasy ka naha montsana antsika an-jaridaina tamin’ny isa 3 noho 0. Vao 13 minitra nanombohan’ny lalao dia efa nitarika tamin’ny isa 2 noho 0 ry zareo vahiny, izany hoe naha tontosa 100% ny fanafihany, raha toa nandamoaka kosa ny an’ny Malagasy. Tsikaritra ho nisy fikoropahana teo anivon’ny mpilalao Malagasy, indrindra, ny fidirana faharoa ary dia mora tamin-drizareo angoley hatrany ny nametraka endri-dalao mirindra ka nahitany ny baolina faha 3. Niezaka nifehy ny lalao kosa ny Malagasy, 10 minitra farany taorian’ny nahafatesan’io baolina faha 3 io saingy hita ho mbola mahantra mpanafika sy lohalaharana isika, hany ka tsy tafita hatrany ny fanafihana. Sarotra ny hanarina iny fahavoazana iny rehefa tonga any Luanda ny faha 22 ny volana izao saingy boribory moa ny baolina, hoy ny fitenenana ka ho hita eo. Hita ho nametraka fahatokisan-tena tanteraka ny mpanazatra, Titi Rasoanaivo, nialoha ity lalao ity, ary raha ny fipetrany ara-tekinika kosa aloha dia nanatombo teo amin’ny fanomanana ny Malagasy satria ny marainan’ny sabotsy teo no nigadona teto amintsika ireo mpilalao vahiny raha toa ka omaly alahady no nanatontosana ny lalao. Avo, noho izany, ny herijika mbola ahitan’ny Angoley fandresena any an-taniny saingy miandrandra ny baolina mba ho faran’izay boribory izany isika aloha.
J. Mirija
 

Dans la même rubrique

Card image cap
Ballon d’or 2021 Karim Benzema no safidin’ny Malagasy
06-déc-2021

\Isan’ny nanana solontena tamin’ireo mpanao Gazety miisa 180 maneran-tany nomena andraikitra hifidy izay ho mpilalao mendrika indrindra na “Ballon d'or” tamin'ity taona 2021 ity isika Malagasy.

Card image cap
Andro voalohan’ny OPL 2021-2022 Niondrika an-jaridainany ny Uscafoot
06-déc-2021

Niondrika tamin’ny isa 2 noho 4 tetsy amin’ny kianjan’Alarobia ny sabotsy teo ny ekipan’ny kaominin’Antananarivo na ny Uscafoot raha nihaona tamin’ny Fosa Junior nandritry ny andro voalohan’ny fifaninanam-pirenena matihanina ho

Voir plus