airtel

Sport

22-mars-2024

Atletisma

Tena manavanana ny Malagasy ny 100 m misy fefy

Sample post image

Nalaza toy ny mahazatra indray ny vehivavy Malagasy misehatra eo amin'ny 100 m misy fefy.

22-mars-2024

Vao ny alarobia teo izao nandritra ny Lalao Afrikanina tany Accra izay dia norombahan'i Sidonie Fiadanantsoa ny medaly volafotsy. Faharoa taorianan'ilay Nigeria, Tobi, izy ary 13 seg 19 no nahavitany izany. Voaporofo indray izany fa tena hain'ny Malagasy ity 100 m misy fefy ity. Talohan'io mantsy dia efa tompondakan'i Afrika indroa koa i Rosa Rakotozafy sady nahavita ny fotoana tsara indrindra 12 seg 84. Mbola tsara lavitra noho ireo anefa ny vitan'i Nicole Ramalalanirina izay tompondaka eran-tany teo amin'ny fanatanjahantena eny anivon'ny oniversite izay notontosaina tany Fukuoka raha medaly volafotsy izy nandritra ny fifaninanana tany Buffalo any Etazonia. Tsy nijanona teo anefa i Nicole Ramalalanirina fa niha nahay ihany ary dia lasa nizaka ny zom-pirenena frantsay izy. Efa tompondaka lefitra tany Frantsa izy ary tafita hatrany amin'ny famaranana ny Lalao Olimpika 2000 tany Sydney. Ny niangana anefa saika nitovy ihany satria raha i Justin Ramananoro no nitaiza an'i Rosa Rakotozafy tamin'io taranja io dia Jazy kosa ny an'i Nicole Ramalalanirina. Fehiny dia tena manavana ny atleta malagasy ity 100 m misy fefy ity fa tokony hojerena akaiky ny fomba hanohanana an'i Sidonie Fiadanantsoa. I Rosa Rakotozafy mantsy izao dia telo taona no tany amin'ny toerana fiofanana avo lenta tany Dakar ary izany aza no nahazoany ny sandan'ny lisansa (équivalence) nomen'i Maharante minisitry ny Asa tamin'ny fotoan'androny niaraka tamin'ny Tale Jeneralin'ny ANS Ampefiloha, Patrice Ranaivoson. Tena mahavelona izany ny fanaovana an'ity taranja ity fa mety ahazoana toerana ambony. Sady Tale Jeneraly mihitsy raha i Rosa Rakotozafy no jerena.
Clément RABARY
(Tahirin-tsary)
 

Dans la même rubrique

21-juin-2024

Voatazon’i Danemark 1-1 i Angleterre alina tao anatin’ny lalao faharoan’ny C.

Card image cap
21-juin-2024

Hiaka-tsehatra indray ny Frantsay anio amin’ny 10 ora alina ho an’ny andro faharoa ao anatin’ny Vondrona D.

Card image cap
21-juin-2024

Ho fantatra ny alahady ho avy izao ireo ekipa roa hiady ny famaranana eo amin'ny Coca Cola PFL ity.

Card image cap
20-juin-2024

Mafana hatrany ny fiadiana izay ho tompondakan’i Eoropa eo amin’ny baolina kitra na ny « Euro 2024 »

Card image cap
20-juin-2024

Nameno ny tambazotran-tserasera Instagram hatramin’ny Facebook indray omaly

Card image cap
20-juin-2024

Dia mbola eo amin'ny kianja eo Mahamasina ihany no nosafidian'ny mpitondra hanaovana ny fety.

Card image cap