airtel

Sport

18-août-2023

Sport

Baolina Kitra Afaka hanova zavatra ve ireo Filohan'ny ligy vaovao ?

Sample post image

Nivoaka ny valin'ny fifidianana izay ho filohan'ny ligy vaovao. Hatreto aloha dia mbola tsy novaliana ireo fitarainana mahakasika ny fizotry ny fifidiana.

18-août-2023

Ny fanamarihina voalohany dia ny fisian'ireo olom-baovao izay mahatratra 11 amin'ireo 22. Isan'ny misongandina amin'izany ireo tanora toa an'i Anatole Ndriamparany izay efa mpiandry tsatokazon’ny ekipa nasionaly ary voafidy tany Diana. Eo ihany koa i Maeva Portos izay lany tany Boeny. Mbola azo heverina ho vaovao koa i Adolphe Ranasolo tany Itasy sy Tanjona Rakotomarolafy Amoron'i Mania sy Noel Rabibisoa Menabe, ary Jacquot Tabenirana Vatovavy. Ny fanontaniana raha tsorina dia ny hoe: hahavita mametraka federasiona matanjaka sy mahay ve ireo olona ireo sa dia hanara-drenirano hanao tsanga-tanana ka hirona any amin'ireo mpanao politika izay fantatra fa tsy afaka eo amin'ny sehatra iraisam-pirenena? Asa aloha izay havoakany fa na ireo filohan'ny ligy taloha koa aza mety hanaraka ny fitsokan'ny rivotra ka hifidy izao olona sady mahay sy mararim-baolina ka hitondra avo ny kitra malagasy. Hatreto aloha dia fantatra fa hirotsaka i Neypatraiky Rakotomamonjy izay minisitry ny Paositra teo aloha izay efa laharana fahatelo tamin'ny fifidianana farany taorinan'i Arizaka Rabekoto Raoul sy Hery Rasoamaromaka. Samy tsy eo intsony moa izy mirahalahy ireto ka mety tsara toerana ihany i Neypatraiky Rakotomamonjy. Mbola ho sarotra anefa ny ady satria mbola misy ireo olona nilomano tao amin'ity kitra ity koa fantatra fa hilatsaka sady mety manana tombony amin'ireo ligy taloha aza. Iza tokoa moa no ligy tsy niaraka tamin'i Stan Rakotomalala izay efa Sekretera Jeneralin'ny FMF an-taonany maro fony nitondra ny Filoha Ahmad. Raha raisina ho tombony anefa izany dia mbola milatsaka hofidiana koa ny filoha am-perinasa Victorien Andrianony. Heno koa fa hilatsaka i Alfred Andriamanampisoa izay efa filoha lefitry ny FMF. Hiady izany ny baolina fa ny hirarina dia ny ahita olona afaka misintona miakatra ity taranja iray ity.
Clément RABARY

 

Dans la même rubrique

21-juin-2024

Voatazon’i Danemark 1-1 i Angleterre alina tao anatin’ny lalao faharoan’ny C.

Card image cap
21-juin-2024

Hiaka-tsehatra indray ny Frantsay anio amin’ny 10 ora alina ho an’ny andro faharoa ao anatin’ny Vondrona D.

Card image cap
21-juin-2024

Ho fantatra ny alahady ho avy izao ireo ekipa roa hiady ny famaranana eo amin'ny Coca Cola PFL ity.

Card image cap
20-juin-2024

Mafana hatrany ny fiadiana izay ho tompondakan’i Eoropa eo amin’ny baolina kitra na ny « Euro 2024 »

Card image cap
20-juin-2024

Nameno ny tambazotran-tserasera Instagram hatramin’ny Facebook indray omaly

Card image cap
20-juin-2024

Dia mbola eo amin'ny kianja eo Mahamasina ihany no nosafidian'ny mpitondra hanaovana ny fety.

Card image cap