BAREA

nanoloana ny Ghana izay voasokajy ho isan'ireo mety ahazo ny laharana voalohany ato amin'ity vondrona ity. Tombatombana toy ny rehetra izany fa mbola ao ihany koa i Mali. Fa raha ireny endri-dalao nasehon'ny Barea ireny kosa anefa dia mbola tsy very ny fanantenana, indrindra raha mahaverina ny filalaovany any amin'ny klioba ireo mpilalao kilasiana ho sangany .Ohatra amin'izany i Loïc Lapoussin izay mandray anjara amin'ny Ligue Europa ary mahavita manono baolina mihitsy saingy tsy izay no niseho ny zoma teo ka voatery nosoloina mihintsy izy. Torak'izany koa i Marco Ilaimaritra izay tena andry ianteheran'ny klioba misy azy no mbola kapiteny saingy lasa niaro-tena ka tsy afaka nanampy tosika ireo lohalaharana. Eny fa na i Rayan Raveloson aza dia tsy toy ny fanaony mahazatra hany ka teo anoloany mihitsy no namonoan'i Inaki Williams ilay baolina tokana maty. Efa nieritreritra hoe hitsoka ny kiririoka ilay mpitsara marokanina ka na Melvin Andrien aza izay tena niezaka tokoa, dia tsy nihetsika tamin'iny. Soa lavo hahay hamindra hono ary heverina fa hiezaka mafy ny rehetra handresy ny Tchad rahariva. Ary na ireo 11 niditra voalohany ny zoma aza dia mahavita ny afera. Fa raha velona i Caddy Warren atao lohany ka miverina ao amin'ny sisiny havanana i Njiva Rakotoharimalala dia izay no mety sary mivoaka. Hatreto aloha raha ny vaovao azo dia samy maneho fahavononana ny rehetra sa dia miandry isika. Efa lasa tany filalaovan'ny Barea rahateo ny any Maraoka ka antenaina fa ho tsara ny vokatra.
Clément RABARY