tia tanindrazana

Parution du Jeudi, 17 Juin 2021

airtel

Sport

Barean’i Madagasikara Naato i Nicolas Dupuis

Nivoaka ny zoma lasa teo ny taratasy ofisialy avy amin'ny Federasionina Malagasin'ny Baolina kitra (FMF),

03-mai-2021

Sample post image

 

 

 

nosoniavin'ny filohany Atoa Arizaka Rabekoto Raoul mampiato ny mpanazatra Nicolas Dupuis amin'ny asa maha mpanazatra ny ekipam-pirenena Malagasin'ny baolina kitra azy. Antony maromaro no voalaza fa nahatonga izao ny fandraisan'ity mpanazatra ity fanapahan-kevitra tsy mifanaraka amin'ny zava-misy ara-pahasalamana amin'izao fotoana, ny fahatrarana ny tanjona napetraka taminy. Eo ihany koa ny tsy fifantohana amin'ny tena andraikitra maha mpanazatra fa variana amin'ny fanaovana dokam-barotra; ny tsy fanajana ny fifanarahana arak'asa ka nanenjehana ny FMF tany anaty gazety sy tamin'ny alalan'ny tambajotra sosialy. Nanaiky ny fanapahan-kevitra i Nicolas Dupuis amin’ny maha mpiasa karamain’ny FMF azy. “Nanaiky aho mba tsy hisian’ny korontana ho an’ny mpilalao hiatrika ny fifanintsanan’ny “mondial 2022” afaka 5 herinandro, ary mirary soa ny Barea, hoy izy. Niala aho mba ho soa ho an’ny ekipam-pirenena, mankasitraka ny komity mpanatanteraka sy ireo mpiara-miombon’antoka”, hoy izy. Nilaza kosa I Dupuis fa fanapahan-kevitr’olon-tokana ny an’ny Filohan’ny FMF, ary efa in-droa izy no niandry sy naniry hihaona tamin’Atoa Arizaka Rabekoto Raoul, saingy tsy tanteraka, ary mbola vonona hiresaka sy hifanazava aminy amin’ny lalao fifanintsanana Mondial amin’ny volana jona. Lesoka goavana ny tsy nahatafakarana CAN, ary tao anatin’ny kihon-dàlana tsy nampoizina no nilatsaka ny didin’ny Filohan’ny FMF nanala ny mpanazatra, izay tsara fifandraisana amin’ny Fanjakana. Atoa Arizaka Rabekoto Raoul izay marihina fa karohin’ny Fanjakana, ary namoahana didy fampisamborana iraisam-pirenena noho ny raharaha CNaPS, saingy karazan’ny mandefa valin-kafatra an-kolaka amin’ny mpitondra hoe: mbola ity aho eto. Mitazona tanteraka ny fahefany amin’ny maha Filohan’ny FMF azy, ary ny 12 martsa teo dia niseho sy nifidy ny Filohan’ny CAF izy. Io rafitra io, izay eo ambany fiahian’ny FIFA, ary tsy azon’ny Fanjakana tsabahana velively ny fitantanana ny FMF, malemy ny mpitondra ao anatin’io. Hita taratra ny karazana lonilony. Taorian’ny nahalaniany ho Filohan’ny FMF, nandreseny kandidam-panjakana no toa nihamafy ny raharaha fanenjehana azy. Marary ary tafiditry ny lonilony sy toa endrika fifamaliana faty politika ny kitra Malagasy.

 Toky R

Dans la même rubrique

Card image cap
Jocelyn Razafimamonjy “Somary nanano sarotra ny fandraisana ny Barea”
17-juin-2021

Somary ho mafimafy ny fitenenako, hoy ny filohan’ny komisionina misahana ny serasera eo anivon’ny komity mpanatanteraky ny federasionina malagasin’ny

Card image cap
Andry Rajoelina « Atao ato amin’ny kianja Barea ny matso »
16-juin-2021

Nitsidika ny kianja Barea etsy Mahamasina ny Filoham-pirenena Andry Rajoelina sy ny delegasionina maro notarihiny omaly 15 jona hariva.

Card image cap
Jeremy Morel Baraingo ny hoaviny
16-juin-2021

Baraingo hatreto ny hoavin’ilay vodilaharana malagasy milalao ao amin’ny FC Lorient, klioba divizionina voalohany ao Frantsa

Voir plus