CAN 2024

raha nandresy ny RD Congo ny sabotsy alina tao amin'ny Kianja Le Felicia. Azo nolazaina anefa fa niezaka notazona baolina fotsiny ireto Afrika Atsimo ireto fa tsy nieritreritra ny hamono hany ka nisaraka 0 noho 0 ny roa tonta. Efa izay rahateo no nokendren'ny Bafana Bafana noho ny fananany an'i Ronwen Willians izay tena havanana rehefa tojo amin'ny fandakana penalty. Ratsy fanombohana anefa ny Afrika Atsimo satria dia tsy matin'i Mokoena ny baolina voalohany. Tany amin'ny fandakana fahadimy vao nosahalainy ny isa satria dia azon'i Williams ny dakan'i Chancel Mbemba ilay vodilaharan'ny Olympique de Marseille. Efa mety rahateo ny natao dia azon'i Ronwen Willians koa ny dakan'i Meschack nefa matin'i Xilu ny azy ka io no nitondra fandresena ho azy. Marihina moa fa mpilalao fito avy amin'ny Mamelodi Sundowns no mandrafitra ny Bafana Bafana ary misy koa avy amin'ny Orlando Pirates sy Witts University. Tena mampiasa toto-tanana izany ry zareo ary dia io ny vokany. Tena mafy ilay ekipa ary tsy nisy na iray aza sahy nanambany azy. Hain'ilay mpanazatra Hugo Boss rahateo ny mandrindra ny eo ambony kianja hany ka nahavita zavatra tena tsara ireo mpilalao Raha ny laza anefa dia tany amin'ny RDC no nahitana mpilalao tena avo lenta toa an'i Chancel Mbemba sy Bukambu. Fa tsy midika inona izany raha oharina amin'ny fahaizana miaraka.
Clément RABARY