tia tanindrazana

Parution du Mercredi, 20 Octobre 2021

airtel

Sport

“Coupe de la CAF” Tafita any amin’ny 1/16-dàlana ny CFFA

Tafiakatra amin'ny dingana manaraka ny CFFA andoharanofotsy amin’ny fiadiana ny Amboaran’ny Kaonfederasionina Afrikanina na ny “Coupe de la CAF” ho an’ny taranja baolina kitra.

20-sept-2021

 Nandresy tamin'ny isa 2 noho 1 an’ilay Klioba Zambianina Kabwe Warriors ny CFFA Andoharanofotsy, ekipa solotenan'i Madagasikara tamin'ny lalao miverina natao tany Zambie Kianja Ndola. I Bela no nanokatra ny isa tamin'ny fizaram-potoana voalohany rehefa nahazo penalty ny CFFA teo amin’ny minitra faha-17, baolina azon’ny mpiandry harato, saingy votsotra ary voatsirika. Nosahalan'ny Zambiana izany minitra vitsy teo amin’ny minitra faha-29. Namono ny baolina faharoa ho an’ny Malagasy i Tsito izay isan’ny mpilalaon’ny Barea teo amin’ny minitra faha-74, izay nitondra ny CFFA Andoharanofotsy hiakatra amin'ny 1/16n-dàlan’ny Coupe de la CAF. Mampiakatra kely ny lazan’ny baolina kitra indray ity vokatra tsara ity, taorian’ny voka-dàlaon’ny ekipam-pirenena Barean’I Madagasikara izay nahakivy ny mpitia kitra ny vokatra tamin’ireo lalao in-droa miantaona. Karazan’ny lesona ho an’ny mpitantana ny kitra ihany koa amin’ny fandrafetana ny ekipam-pirenena hoe: tsy voatery hiantehitra lava amin’ny mpila ravinahitra, fa azo atao tsar any mampiaraka ny avy eto an-toerana sy ireo matihanina avy any ivelany. Tsikaritra mantsy hatramin’izay ny toa fanamaivanana ireo mpilalao avy eto an-toerana, ka na efa hita aza fa misy amin’ireo zoky matihanina avy any ivelany na nilalao tany ivelany no efa mety misy lesoka, dia mbola terena sy homena 90 minitra, fa tsy mba homena fitokisana ireo mpilalao avy eto, izay azo lazaina fa misy amin’izy ireo no mety manana fahaiza-manao sy haavo teknika sy tanjaka tsy mena-mitaha amin’ireo namany ao amin’ny ekipam-pirenena. Porofo iray tsy azo lavina, ohatra, I Tsito izay iny hita omaly iny fa afaka mamono baolina any an-tanin’olona, afaka mifampitady amin’ny vahiny, saingy mpanafana toerana hatrany ao anatin’ny Barean’I Madagasikara.Mazava ny resaka eto fa mikaonty be ny fahaiza-miaraka sy ny fanomanana, fa tsy hoe: roa na telo andro dia manantena hahita vokatra"
Toky R
 

Dans la même rubrique

Card image cap
Baolina kitra Malagasy Mitohy ny endrika famotehana samihafa
20-oct-2021

Nanomboka tany amin’ny tsy fahatomombanan’ny fanomanan’ny ekipam-pirenena malagasin’ny baolina kitra na ny Barea ny fiadiana ny tapakilan’ny amboara eran-tany atao any Qatar amin’ny taona 2022 ny raharaha.

Card image cap
Amboaran’ny kaonfederasionina 2021 Resy an-tanàna 3 noho 0 ny CFFA
18-oct-2021

Hita ho adin’ny samy tekinisianina ihany ny fihaonana teo amin’ny CFFA avy etsy Andoharanofotsy sy ny Grupo Desportivo Interclube avy atsy Angola nandritry ny lalao mandroso teo amin’ny

Voir plus