Sport

y hifandona amin’i Madagasikara eo amin’ny andro faha-4 amin’ny fiadiana ny tapakilan’ny « Mondial 2026 », rahampitso amin’ny 4 ora hariva ora Malagasy. Ny sabotsy teo tamin’ny 3 ora maraina tany an-toerana no tokony ho nanainga tao Bamako ny fiaramanidina nitondra azy ireo, saingy tsy afaka nanainga noho haratsian’ny toetr’andro. Voatery nofoanana ihany koa ny sidina efa vita programa noho ny olana ara-teknikan’ny fiaramanidina, ka voatery niandry vahaolana tao Bamako. Tamin’ny fotoana nanoratana, dia mbola teo am-piandrasana ny ora marina hiaingan'ny sidina sy hilatsahany ao Johannesburg izy ireo, ka raha ny vaovao farany, dia amin’ity anio ity amin’ny 10 ora no ho tonga atsy Afrika Atsimo. Tombony ho an’i Madagasikara io satria tsy dia manana fotoana firy hiomanana izany izy ireo, ka tokony ho haintsika ny manararaotra ny tombondahiny. Na izany aza, ekipam-pirenena isan’ny manana ny tanjany sy tena mahay miaraka ny Malianina, ka mila mailo isika. Ny hirariana dia ny hivoahantsika mandresy mba hanatsara ny toerana satria henjana ny ady toerana noho i Mali manana isa 4 ka raha sanatria maharesy dia lasa manana isa 7, kanefa ny ady manoloana ny fitoviantsika isa amin’i Comores sy Ghana izay faharoa sy fahatelo vonjimaika aza manahirana.
Toky R