airtel

Sport

21-juin-2024

Euro 2024-Vondrona C

Voatazon’ny Danois ady sahala ny anglisy

Sample post image

Voatazon’i Danemark 1-1 i Angleterre alina tao anatin’ny lalao faharoan’ny C.

21-juin-2024

Tahaka ny tamin’ny lalao nifandonany tamin’i Serbia 5 andro lasa izay namonoan’i Jude Bellingham baolina teo amin’ny faha-13 minitra, dia i Harry Kane indray no nanakobana ny harato voalohany teo amin’ny faha-18 alina, rehefa nisy baolina avy any amin’i Kyle Walker, nifampitadiavana tao anaty faritra tsy azo ivalozana. Nanaitra ny Danois izay niezaka nifehy ny lalao io ka nisy ny baolina natolotr’i Victor Kristiansen avy any amin’ny 30 metatra, narahin’ny dakan’i Morten Hjulmand avy any ivelan’ny faritra tsy azo ivalozana, ka nidona tamin’ny tsato-by ary, niditra tao amin’ny haraton’i Jordan Pickford, teo amin’ny minitra faha-34. Niezaka nanindry ny Danois, saingy tsy nety nahakobana harato na ny andaniny na ny ankilany. Mitarika vonjimaika ny Anglisy manana isa 4, ary faharoa ny Danois isa 2, fahatelo i Slovenie isa 2 ihany koa, ary faha-4 i Serbie isa 1. Ireto farany izay nisaraka 1-1 alina. Ho an’ny lalaon’i Espagne sy Italie tao amin’ny Vondrona B, kosa dia ny fizaram-potoana voalohany no vita teo amin’ny fotoana nanoratana, ka tsy mbola nisy nitoko teo, na dia nanindry tamin’ny baolina saika maty aza ny Espaniola.
Toky R
 

Dans la même rubrique

19-juil-2024

Miditra eo amin'ny fifaninana Afrikanina daholo izao na ny Barea na ireo ekipa roa misolotena antsika dia ny Elgeco

Card image cap
18-juil-2024

Efa any Botswana ny ekipa malagasy hiady ny fiakarana ho Vondrona faha 4 amin'ny Coupe Davis.

Card image cap