Miisa 12 ireo mpilalao mandrafitra ny Makis vehivavy izay voahosotra ho tompondaka lefitra aty Afrika sy tafita hiatrika ny fiadiana izay ho tompondaka eran-tany hatao any Afrika Atsimo ny 9-11 septambra izao. Nambaran’i Andry Rajoelina àry fa mipetraka amin’ny laharan’ny maherin’ny fon’ny firenena ireo Makis vehivavy ireto sambany hiatrika ny fiadiana izay ho tompondaka eran-tany. « Fanomezana lehibe sy goavana ny ezaka nataonareo, sambany ihany koa teo amin’ny tantaran’ny firenena no hiatrika ny fiadiana izay ho tompondaka eran-tany. Nankasitraka azy 12 mirahavavy noho izany ny Fanjakana, ka notolorana fankasitrahana na “prime” ny ekipam-pirenena, raha toa ka medaly sy “maillot” N°13 toy ny tamin’ny Barean’i Madagasikara ny nomena ny Filoha. Nilaza hanampy manokana Makis vehivavy ny filoha sy ny Fanjakana: ara-bola, fitaovana, ara-pahasalamana,…izay rehetra ilaina hanampiana ny Maki hahazo ny tompondaka eran-tany, hoy I Andry Rajoelina. Nambara fa havaozina tanteraka ny Kianja Maki : amboarina ny bozaka, ny atiny sy ny ivelan’ny kianja, hasiana jiro,… ho fampanaraham-penitra mba hahafahana mandray ireo lalao iraisam-pirenena. Hatsaraina sy hahazo fanohanana avy amin'ny Fitondrana ihany koa ny "Centre de formation" ao an-toerana. Raha hitarina kely amin’ny fijery ara-politika, hita taratra indray ny fitaingenana sy fampalazana tena amin’ny alalan’ny ekipam-pirenena, toy ny efa natao tamin’ny baolina kitra. Zava-dehibe sy tena ilaina ny fanohanan’ny Fanjakana, saingy tsy tokony ho hita taratra ny fijapiana ara-politika, izay isan’ny mamotika ny fanatanjahantena eto. Tetsy andaniny nisy ny taranja hafa, toy ny “bodybuilding” izay nahazo tompondaka eran-tany na tompondaka lefitra, toa nodiana tsy hita. Misy teratany Malagasy voafidy ho Filohan’ny Kaonfederasionina Afrikanina, fa tsy mba nasaina tany an-dapa,…
Toky R
Andro vitsivitsy aty aoriana sy ho setrin'ireo fanakianana mivaivay dia nivoatra ny fahanginany ny mpanazatra ny Barea,
Vaky ihany ny resaka na nafenina mafy aza. Talohan'ny hiakatra kianja hihaona amin'ny Rwanda
Misy odi-potsy angaha ity kianja ity, hoy ny vazivazin’ny mpankafy baolina kitra ny
Lasa resabe iny faharesen'ny Barea nanoloana an’i Rwanda iny.
Lasa resabe iny faharesen'ny Barea nanoloana an’i Rwanda iny.