Sport

 mandrafitra ny kaominina ny faran’ny herinandro teo. Nitarika izany ny ben’ny tanàna ao an-toerana, Mamy Rabenandrasana. Vory lanona tamin’io fotoana io araka izany ireo tanoran’ny kaominina. Tanjona, hoy hatrany ny fampitam-baovao, ny hampiroboroboana ny fanatanjahantena sy ny baolina kitra ao amin’ny kaominina sy ny hampiroboroboana ny fialamboly ho an’ny tanora. Iaraha-mahalala fa ny baolina kitra no fialamboly tena ankafizin’ny tanora eny ambanivohitra ka ho famaliana ny hetahetan’izy ireo izao fanohanana ara-pitaovana izao, hoy hatrany ny ben’ny tanàna. Ankoatry ny fampiroboroboana ny fanatanjahantena sy ny fialamboly dia tanjona koa ny fampiroboroboana ny baolina kitra ho fitaizàna ny tanora mba hivoizana ny firaisankina sy fihavanana ary fifanajana, hoy izy. Mbola tsy nisy fanohanana ny mpilalao baolina manerana ny fokontany rehetra tahak’izao teto amin’ny kaominina hatramin’ny nahatsiarovako tena, hoy ny solontenan’ireo tanora. Hirariana ny hitohizan’izao, hoy kosa ny solontenan’ireo ray aman-dreny, satria lasa midonanàm-poana sy midoroka zava-maha domelina ny tanora rehefa tsy misy fialamboly.
J. Mirija