airtel

Sport

04-janv-2023

Sport

Fanomanana ny CHAN Efa any Tonizia hanao lalao fitsapana ny Barea A’

Sample post image

Nanao fanazaran-tena voalohany ny ekipam-pirenena Malagasy Barea A’ tarihin’ny mpanazatra Romuald Rakotondrabe sy ny ekipany omaly.

04-janv-2023

Efa any Tonizia izy ireo izay hiatrika lalao fitsapana ho fanomanan-tena mialohan’ny tena hiatrehana ny CHAN 2023 hatao any Algérie ny 13 janoary hatramin’ny 4 febroary. Mialohan’izay anefa, hanao lalao ara-pirahalahiana amin’ny diables rouges ekipam-pirenen’I Congo Brazzaville sy ny Mena an’I Soudan isika ny zoma 6 janoary izao sy ny alatsinainy 9 janoary, mialohan’ny tena ady. Sambany tafiakatra amin’ny CHAN isika, ary henjakenjana ny lalao miandry. Ekipam-pirenena 18 no mandray anjara, ka iray vondrona amin’i Maroc, Ghana, ary Soudan ny Barean’I Madagasikara. Ny 15 janoary ny lalao voalohany ho antsika hifandonana amin’i Ghana ary ny 19 janoary kosa hifampitady amin’i Maroc, ary any amin’ny 23 janoary dia hifandona amin’i Soudan.


Raha ny vaovao omaly, mety tsy ho isan'ny hiatrika ny CHAN hiaro ny anaram-boninahitra tompondaka izay eo am-pelatanany i Maroc. Antony ny lonilony eo aminy sy Algérie, mety tsy hisokatra ho azy ny sisin-tany, na koa hanapa-kevitra tsy handeha mihitsy.

Toky R

 

Dans la même rubrique

24-juil-2024

Vaovao mahafaly ny fiverenan'i Kendji Van Boto milalao indray taorian'ny ratra nahazo azy.

Card image cap
24-juil-2024

Vaovao tsara ho an'ny basketball malagasy ny fifindran'i Mathias M'Madi

Card image cap