ny Grand Maître AVOKO sy ny sekretera jeneralin'ny FMKFW Atoa Haja Ramamonjisoa ny talata 16 novambra teo. Dinika ara-pomba fifanajana no natao, kanefa nahafahana niresaka mikasika ny rafitra kung-fu wisa Nasionaly (club, section, ligue, fédération), ary voadinika tamin’zany ny fampandrosoana an'ity Taranja be mpankafy ity ka amporisihina ny rehetra hiditra ao anaty rafitra ara-dalàna hatrany, hoy ny fampitam-baovaon’ny FMKFW. Nilaza ny fanirian'izy ireo handray anjara voalohany eo amin'ny fifaninanana iraisam-pirenena amin'ity taranja ity moa ny Filohan'ny federasionina, ka nanamafy ny Ministra mpiahy fa tsy manao zanak'ikalahafa ny Minisitera, mitovy daholo ny fitondrany ny federasionina eto Madagasikara. Noho izany, rehefa tonga izay fotoana iraisam-pirenena izay dia azo dinihina tsara ny fifanampiana, hoy ny fanomezan-toky. Nitsodrano an'ity federasionina vaovaon'ny kung-fu wisa ity moa ny Ministra ary nampanantena fa hisy hatrany ny fifanakalozan-kevitra sy ny fiaraha-midinika amin'izay olana mety hosedraina eo amin'ity Taranja kung-fu ity. Marihina moa fa any amin'ny Faritra Matsiatra Ambony indray no ho tsidihin'ny Birao Federaly amin'ny faran'ity volana novambra ity ka i Ambalavao Tsienimparihy sy Fianarantsoa no hahazo tombony amin'izay. Mitohy hatrany kosa ny fanaparitahana ny « passeport » sy « licence sportif » ho an'ny mpikatroka, ary ny 04-05 desambra no fiofanana Nasionaly hampanaovin'ny DTN (Tale Teknika Nasionaly) Me Rajo Joël an'ireo « CTR » manerana ny Nosy. Efa misokatra sy nahazoana alalana ihany koa ny kung-fu wisa ken ao Paris Frantsa, ka hiondrana hitokana an’izany any an-toerana ny Grand Maître Avoko amin'io taona 2022 io. Tanjon'ny federasionina hatrany moa ny hampiroborobo an'ity Taranja ity, hoy ny fanamafisana.
Toky R
Andro vitsivitsy aty aoriana sy ho setrin'ireo fanakianana mivaivay dia nivoatra ny fahanginany ny mpanazatra ny Barea,
Vaky ihany ny resaka na nafenina mafy aza. Talohan'ny hiakatra kianja hihaona amin'ny Rwanda
Misy odi-potsy angaha ity kianja ity, hoy ny vazivazin’ny mpankafy baolina kitra ny
Lasa resabe iny faharesen'ny Barea nanoloana an’i Rwanda iny.
Lasa resabe iny faharesen'ny Barea nanoloana an’i Rwanda iny.