airtel

Sport

19-juil-2023

Sport

Fiadiana ny tompondakan’i Afrika Nitsoaka an-daharana ny Fosa Juniors

Sample post image

Inona izany no antony nandraisany anjara tamin'ny Orange Pro League raha tonga dia nanapaka hevitra fa tsy handray anjara amin'ny fiadiana ny ho tompondakan'i Afrika ?

19-juil-2023

Fanontaniana mipetraka amin'ny Fosa Juniors io taorian'ny nambarany fa tsy handray anjara izy .Raha tokony ny Fanalamanga izay tompondaka lefitra no hisolo ny Fosa dia niteny koa ity farany fa tsy vonona. Dikan'izay dia tsy misy solontena izany i Madagasikara satria dia efa nifarana ny 10 jolay ny fanoratana ny anarany .Eo Amboara indray dia ny Elgeco Plus no nisoratena tany, Lefitra ny Federasiona rahateo moa i Alfred Andriamanampisoa ka nataony amin'izay mahamety azy. Saingy manahy ny dingana iray ihany ny mpijery satria dia efa resin'ny Fanalamanga ny Elgeco ary farany teo aza dia nifoifoy volo vao naharesy ny FC Mahavatsy fa tany amin'ny dimy minitra farany vao nameno by isa ho telo i Nesta sy Onja. Ny fanontaniana mipetraka sahady dia ny hoe vita ve ny fifanarahana tamin'ny Pro League satria ny 4 ka hatramin'ny 13 aogositra dia hanomboka ny fiadiana izay ho tompondakan'i Madagasikara ho an'ireo ekipa tompondaka amin'ny faritra. Ary ny 8 ka hatramin'ny 17 septambra indray ny fihodinana faharoa mialohan'ny Poule des As handraisan'ireo efatra voalohany anjara. Ny vokana septambra indray no hanomboka ny fiadiana ny tompondakan'i Madagasikara ha an'ny vehivavy. Raha izao no fipetrany dia efa karazany vita izany no asan'izay hitondra vaovao eo satria dia heverina ho vita oktobra ny fifidianana ny FMF vaovao.

Nitondra fanazavana moa ry zareo Fosa Juniors ka nanambara fa : « dia tsy afaka hiatrika ny fifaninanana sy hisolo tena an'i Madagasikara amin'ny fiadiana ny tompondakan'i Afrika isan-tarika.Hiaraha-mahalala fa mifanindry ny lalaon'ny Nosy sy ny fiodinana voalohan'ny savaranonandon'ny fifaninanan'ny CAF.Mpilalao miisa 8 izay andry hiankinan'ny ekipa anefa no voaantso handrafitra ny ekipam-pirenena Malagasy amin'ny lalaon'ny Nosy, izay nivondrona nanomboka ny 15 Jolay ka hatramin'ny 6 Septambra. Noho izany dia sarotra ho an'ny Fosa Juniors FC no handrafitra ekipa hiaro ny voninahi-pirenena any Afrika, vokatr'izay fahabangana izay. Ny Fosa Juniors FC ihany koa dia mametraka ho laharam-pahamehana ny fandaharam-potoanan'ny ekipam-pirenena… »

Clément RABARY
 

Dans la même rubrique

24-juin-2024

Manoloana ny savorovoro mikasika ny fampandraisana anjara ireo atleta malagasy hiatrika ny lalao

Card image cap
24-juin-2024

Maro loatra ny ekipa mitsoaka an-daharana tato ho ato, raha ny mikasika ny taranja Basketball N1A,

Card image cap
24-juin-2024

Tsy dia nisy fahagagana ny valin'ny lalao manasa-dalana miverina teo amin'ny PFL fa toa ny lehibe ihany no lehibe.

Card image cap