airtel

Sport

01-févr-2023

Sport

Fifindran-dRakool any Alzeria Mitentina 232 tapitrisa Ar ny fifanarahana

Sample post image

Vaovao ara-panatanjahantena isan’ny mbola misongadina hatrany ny fifindran-dRazafindranaivo Kolona na Rakool any amin’ny Klioba Alzerianina Mouloudia Club d’Alger.

01-févr-2023

Nilaza ofisialy ny Filohan’ny CFFA Andoharanofotsy Kliobany teto an-tanindrazana Atoa Rakotoarimanana Henintsoa na Tôta fa 50 000 euros na 231 950 000Ar na 232 tapitrisa Ar eo ny sandan’ny fifindrany, raha avadika vola Malagasy. Fifindrana mpilalao avy amin’ny Klioba Malagasy makany ivelany, izay voasokajy ho isan’ny lafo indrindra. Vola izay mirotsaka mivantana amin'ny kaontin’ny CCFA izay iandraketan’ny Kaominina Andoharanofotsy amin’ny maha Klioba ny kaominina azy, ary voalaza fa hisy ny haompana amin’ny fampandrosoana ny tanàna. Tsy nolazaina voalaza ary anatin’ny tsiambaratelo kosa ny karama ho karaman-dRakool, ankoatra ireo tombotsoa manokana toy ny fahazoana fiara rehefa tonga any, ny fahafahany mitondra ny vadiny mankany Alzeria. Raha ny tombatombana kosa dia mety handray 25 ka hatramin’ny 35 tapitrisa Ar ny tenany satria manodidina an’ireo ny karaman’ireo mpilalaon’ny MCA izay marihina fa isan’ireo klioba tsara indrindra aty Afrika satria vao tsy ela no nibata ny Ligue des champions Afrikanina. Misy ny milaza fa, tsy tokony ho nihazakazaka nanao fifanarahana fa miandrandra fifanarahana any Eoropa, tao ihany koa no naneho fa mety ambadika raha raha samy tafiakatra famaranana ny Barea sy ny Alzerianina. Marihina anefa fa tapitra omaly 31 janoary 2023 ny “Mercato hivernal” ahafahana mividy mpilalao sy manao fifanarahana eo amin’ny sehatry ny kitra maneran-tany, ka raha tsy vita nialohan’io daty io, dia naman’ny tsy tanteraka ny fividianana sy ny fifindran-dRakool. Ireo klioba Afrikanina ihany koa amin’ny ankampobeny no mitily mpilalao amin’ny CHAN, ary any amin’ny CAN kosa vao tena mitily ny Eoropeanina. Matetika làlana mizotra makany any Eoropa ny klioba ny filalaovana amin’ny klioba efa matihanina sy matanjaka aty Afrika, ary an-kavitsiana ny tonga dia mahavita dingan-dava.
Toky R
 

Dans la même rubrique

12-avril-2024

Mitory ny UBM Ambohitrimanjaka ny Amicale Bouliste Mandrosoa Ivato ary milaza fa tsy ara-dalana ny taratasy

Card image cap
11-avril-2024

Mandroso ve ny tsipy kanetibe sa ireo noheverina efa sangany no tsy afaka intsony fa dia

Card image cap