airtel

Sport

26-janv-2023

Sport

Filohan’ny federasionin’ny ady totohondry Miantso ny minisitera mba hijery ity taranja ity

Sample post image

Vola am-paosin’ny filohan’ny federasionina foana no mivoaka, hoy ny filohan’ny federasionina malagasin’ny taranja ady totohondry, Herimamy Rabarisoa,

26-janv-2023

rehefa fampivondronana mpilalao. Ny komity olympika mba manao ihany, hoy izy, rehefa anaty fifaninanana na “championnat”. Ny tompondaka nasionaly aza mbola avy aty ny 80%. Tena avy amin’ny karamako amin’ny asa ataoko mihitsy. Tsy maintsy manao “championnat national” nefa ianao amin’ny maha federasionina anao. Efa nofoanana ny kaontin’ny federasionina satria tena nandalo tsy fahampiana be izahay fa lasa akan’ny banky “agios” na ofana kaonty fotsiny. Mbola hananan’ny banky 40.000 Ariary aza ny federasionina izao. Izay no mahatonga ahy hiteny hoe mba mihetseha ianareo ligy isam-paritra fa aza manantena famatsiana avy amin’ny federasionina satria ny federasionina aza tsy mahazo famatsiana avy amin’ny fanjakana. Mbola tsy manana federasionina iraisampirenena koa moa izao ny ady totohondry fa ny CIO no mitantana azy. Izay no mbola tsy ahafahanay manao fifidianana io satria mila manao tatitra any rehefa manao fifidianana. Ny federasionina iraisampirenena no mankato an’iny vao lany ianao. Rosianina ny filohan’ny federasionina iraisampirenena dia iarahantsika mahalala anefa ny adin’I Rosia sy Okrainina. Fampandehanan-draharaha izany aloha no ataoko. Izay no hiangaviako ny minisitera hoe mba jereo re ilay ady totohondry! Hatramin’ny nandraisako ny fitantanana ny taona 2018 hatramin’izao 2023 izao dia tsy mbola nahazo famatsiam-bola avy amin’ny minisitera ny tenako. Mba manantena ny komity olympika sy ny minisitera izahay handray anjara amin’ny fanomanana ny lalao afrikanina sy ny lalao olympika, hoy hatrany ny tenany.
J. Mirija
 

Dans la même rubrique

16-avril-2024

Tandindonin-doza ny baolina kitra malagasy. Ambeti-tenin'i Tatseraky Marcellin izany raha tafaresaka taminay izy.

Card image cap
15-avril-2024

Niovaka ny didy tsy azo hivalozana fa tsy mahazo handraisana lalao intsony ny Kianja Barea.

Card image cap
15-avril-2024

Tsy niova ny filaharana taorianan'ny andro fahafito ny Pure Play Football League.

Card image cap