Barean’i Madagasikara tany amin’ny CAN Egypte ny taona 2019. AnNkehitriny, manomboka miharihary, fa toa ny olana no betsaka noho ny vahaolana. Ny federasionina (FMF) tsy misy lohany satria nitsoaka any ivelany noho ny fanenjehana azy tsy mifandraika loatra amin’ny baolina kitra I Arizaka Rabekoto Raoul filoha voafidy hitantana ny FMF; ilay komity mpitantana tsy hita be ihany hoe iza no manao inona? Asa lasa bizina ve sisa ny fitantanana ka lasa mikepoka izay azo? Manomboka miharihary ny olana sy ny lesoka, izay ahiana hisy fiantraikany goavana indray any amin’ny vokatra. Tsy vao izao io, saingy miha miharihary indray amin’izao fotoana. Irariana mba ny hamisavisana ny ratsy hiavian’ny soa ho an’ny ekipam-pirenena, fa raha ny hita taratra avy aty ivelany aloha, dia manomboka miharihary hatrany ny fitantanana mikorosy fahana. Ny kianja goavam-be etsy andaniny amboarina etsy Mahamasina sy any amin’ny Faritra hafa, fa ny baolina kitra miha marary, efa karazana soritr’aretina io mitranga amin’i Lalaina Nomenjanahary io, ny fiantsoana an’I Faneva Ima izay efa nanambara tamin’ny fomba ofisialy fa tsy hiatrika lalao miaraka amin’ny Barea intsony ary efa natao veloma,... Midika io fa misy fahalemena ao anatin’ny ekipam-pirenena. Ny resaka be miely tsy eto Madagasikara ihany fa hatrany ivelany momba ny mpanazatra Nicolas Dupuis izay mety misy ny fahamarinany na fahadisoany saingy tsy azo hamaivanina. Ny mpanazatra ny ekipam-pirenena Malagasy izay misitraka 75 000 000Ar na 16 700 euros avy amina orinasam-panjakana iray, voalaza fa sady mpanolon-tsain’ny Filoha, Tale teknika nasionaly,… Tena voahasahany sy tsy misy fiantraikany amin’ny ekipam-pirenena ve izany. Farany teo izao, dia nidaraboka ihany koa i Ahmad filohan’ny CAF, tsy afaka ny ho kandida intsony kanefa mba reharehan’ny Malagasy, navesatra ny fiampangana azy izay notondroina ho nanao kolikoly samihafa. Enga anie tsy hisy fiantraikany amin’ny ekipam-pirenena ireny rehetra ireny.
Toky R
Andro vitsivitsy aty aoriana sy ho setrin'ireo fanakianana mivaivay dia nivoatra ny fahanginany ny mpanazatra ny Barea,
Vaky ihany ny resaka na nafenina mafy aza. Talohan'ny hiakatra kianja hihaona amin'ny Rwanda
Misy odi-potsy angaha ity kianja ity, hoy ny vazivazin’ny mpankafy baolina kitra ny
Lasa resabe iny faharesen'ny Barea nanoloana an’i Rwanda iny.
Lasa resabe iny faharesen'ny Barea nanoloana an’i Rwanda iny.