Sport

 Nanaiky hitafa fohy tamin’ny Tia Tanindrazana momba ny tontolon’ny haiady TCDCL izay miombana amin’ny “Combat libre” sy ny “self defense”. Eo ihany koa ny fiantraikan’ny valanaretina amin’ny sehatra misy azy ireo.

“SADY FITAIZANAM-BATANA NO FANATANJAHAN-TSAINA”

« Ny TCDCL dia haiady mijoro ara-panjakana ao anatin'ny foiben'ny MMA maneran-tany, tao anatin'ny 25 taona nampianarako ny haiady dia tena nandrisika ahy ny hanampy ny tanora sy mpiara-belona hitaiza vatana sy hatanja-tsaina rehefa miatrika ady na olana eo amin'ny fiainana. Hafa mihitsy ny olona manao fanatanjahantena. Nisafidy ny “combat libre” aho noho izy haiady mafy sy mahery setra ahazoana mandrefy hoe ady ny fiainana, ny “self defense” mba hanampiana ny olona mba hahay hiaro tena amin'ity tsy fandriampahalemana efa manjaka ity. Efa aman'alina ny olona nianatra tato amin'ny TCDCL ary efa miparitaka eto Madagasikara. Efa misy sampana TCDCL daholo eto Madagasikara ary ny tanjona dia ny hanaparitahana azy manerana ny kaominina ».

MIKATONA NY “DOJO”, NIOVA TANTERAKA NY FOMBA FIASA

“Tsy afaka misokatra ny “Dojo”, nijanona daholo ny “tournoi” sy “competition”, tsy misy “activité sur place” izany hoe mivantana, fa mampanao “séance en ligne” aho ho an'izay liana. “Video” momba ny teknika no atao amin’io, ary amin’ny sarany sahaza ny rehetra fa tsy lafo. Ilain'ny vatana foana ny manao fanatanjahantena mba hampatanjaka sy hampahery saina. Ilaina ihany manaja koa ireo fepetra sakana, ary misakafo ara-pahasalamana”, hoy ny Grand Maître Tahina Andrianaivo.

Raha misy vonona hiara-hiasa amin’ny TCDCL toy ny any amin’ny faritany dia afaka mitsidika ny pejy Facebook “I love combat libre Madagascar”, ary afaka miantso ny laharana 034 87 303 57.

Toky R