amin’ny 7ora hariva ora Malagasy. Ny talata teo tokony ho tamin’ny 11ora alina no nigadona tany Cotonou ny andiany farany tamin’ireo mpilalaontsika nahitana an-dry Nomena, Arnaud, Mamy Gervais, Rayan, Metanire, Gladyson, Fabrice. Raha toa ka efa tonga nialoha kosa ireo mpilalao hafa toa an-dry Isan’ireo tonga nialoha ry Marco, Voavy, Melvin, Morel,… Omaly hariva no nitsapa sy nanao fanazaran-tena tao amin’ny Kianja hilalaovana ny Barea, raha toa ka ny talata no efa nanomboka ny fanazaran-tena tao amin’ny toerana hitobiany. Ny talata tamin’ny 11ora alina no tonga ny andiany farany. Ankoatra an’I Yannick Pandor mpiandry harato, tsy isan’ireo mpilalao afaka nihazo an’I Bénin ihany koa I Fabien Boyer izay isan’ireo mpilalao nanova betsaka ny herijikan’ny vodilaharana Malagasy tamin’ny fifandonana tamin’I RD Congo. Nilaza ny mpanazatra Eric Rabesandratana omaly, fa hanamafy ny fametrahana sy hitazona ny firaisan-kiana sy ny fahambonian’ny moraly, manohy ny efa natomboka mba hahazoana vokatra hatrany, toy ny tamin’ny lalao nanoloana an’I RD Congo. Nambaran’ny mpanazatra, fa isan’ny zava-dehibe ny fiverenan’I Jeremy Morel, raha toa ka tsy afa-manoatra noho ny ratra I Fabien Boyer. Ao anatin’ny heriny, ary afaka milalao avokoa ny mpilalao rehetra amin’ny ankampobeeny, raha ny fanazavany. Ny ezaka asehon’ny rehetra no ahafahana mahazo vokatra, hoy izy. Nosokajiana ho “favori” I RD Congo tany aloha, kanefa ny rehetra dia manana herijika. Milalao ao anatin’ny fahavonana hitondra vokatra no zava-dehibe, raha ny nambaran’I Eric Rabesandratana, izay nanamafy fa isan’ny tanjona ifotorana dieny izao ny fiakarana amin’ny CAN 2024. Marihina fa manana isa 7 avy I Tanzanie sy Bénin izay voalohany sy faharoa; fahatelo I RD Congo manana isa 5, ary fahaefatra isika manana isa 3 hatreto. Mila mandresy an’I Bénin sy Tanzanie isika, ary manao ady sahala in-droa RD Congo dia isika no tafiakatra amin’ny dingana manaraka, izay somary sarotsarotra, saingy ilaina foana ny fandresena ho antsika na hanatsarana ny filaharana eo anivon’ny FIFA ihany aza.
Toky R
Efa mifefy voatemitra ny manodidina ny kianja etsy Mahamasina.
Niteraka adihevitra eo amin’ny tontolon’ny baolina kitra ny lalao nifanandrinan’ny Real de Madrid