dia naneho ny heviny ny mpanazatra sy mpitantana klioba diviziona voalohany Malagasy, Joana Paul. Mpanazatra sy filohana klioba D1 nandritry ny taona maro aho, hoy izy, ary tonga nanohana ny ekipam-pirenena Malagasy tany Ejipta. 25 taona no efa nanarahako ny ekipam-pirenena. Miankina amin’ny fandresen’i Cote d’Ivoire an’i Etiopia ankehitriny ny fiakarantsika ho an’ny amin’ny CAN 2022 fa miankina amin’ny fandresentsika an’i Niger koa. Misy fenitra toy izao ny fampijoroana mpilalao eny ambony kianja ary tiako ho zaraina amin’ny mpanazatra, Nicolas Dupuis; eo ny resaka fotoana nilalaovan’ilay mpilalao tao amin’ny kliobany. Ny mpilalao izay matetika mpisolo toerana na tsy manana lalao mihitsy ao amin’ny kliobany dia tsy tokony hanana toerana ao amin’ny ekipam-pirenena. Manao izany daholo ny firenen-drehetra mba hanatsarana ny vokatry ny ekipany. Tsy mendrika ho voaantso ihany koa ny mpilalao tsy manana klioba satria tsy nanana fotoana nilalaovana akory. Tsy fanazarantena na lalao ara-pirahalahiana ny fifanintsanan’ny CAN. Natao ho an’ireo mpilalao ampy traikefa sy lalao ny ekipam-pirenena ary anton’ny tsy fahombiazana tany Etiopia ny tsy fanajana izany. Na dia efa nitarika 3 noho 0 aza ny etiopianina dia mbola azy ihany koa ny efa ho 80%n’ny fotoana nitazomam-baolina satria sady ampy lalao izy no mafy teo amin’ny lafiny tanjaka. Miangavy aho, hoy hatrany ity tekinisiana ity, mba ho ireo mpilalao ampy lalao no hajoro amin’ny andro faha 6 hihaonana amin’i Niger.
J. Mirija
Efa mifefy voatemitra ny manodidina ny kianja etsy Mahamasina.
Niteraka adihevitra eo amin’ny tontolon’ny baolina kitra ny lalao nifanandrinan’ny Real de Madrid