airtel

Sport

03-nov-2023

Kanetibe

Mbola voasazy ny Malagasy

Sample post image

Toy ny vara-datsaka ny nandrenesan'ny tontolon'ny kanetibe fa tsy mahazo

03-nov-2023

mandray anjara indray any Thaïlande ny ekipa vehivavy sy ny juniors. Tsy misy fanazavana fa dia nivoaka ny didy tsy azo hivalozana avy amin'i Claude Azéma dia tsy miafina ny tsy fitiavany ny mpitondra malagasy manomboka eo amin'ireo mpikambana ao amin'ny federasiona ka hatrany amin'ny Ministeran'ny Fanatanjahantena fa indrindra moa ny Tale Jeneralin'ny Fanatanjahantena, Rosa Rakotozafy. Efa tany Espanina no niseho ny disadisa satria tsy voaloha ny 10000 euros saran'ny fiatranoana an'ny delegasiona mafonja nahitana ny minisitra Hawel Mamod'Ali sy ny DGS Rosa Rakotozafy. Voaloa ihany ny vola rehefa nandoa ny anjarany ny Star saingy efa tao anaton'ny paoma ny onitra. Ary dia niverina indray ny tsy fankatoavan'ny federasiona iraisam-pirenena an'i Madagasikara fony mbola ny FMP an'i Béryl Razafindrainony no nitantana fa tsy ny FSBM an'i Amir Andriamilerovason. Niitatra izany ka nanjary nahazo tsiny hatramin'ny fitantanan'ny FSBM. Napiasan'i Claude Azéma daholo ny fomba hijanon'ny sazy ka nanereny ny federasiona hamerina ireo mpikambana mpanorina ny FSBM niaraka tamin'i Dolys Randriamarohaja. Fanerena izay tsy nety tanteraka hatramin'izao ary izany no isan'ny tsy mahafaka ny sazy. Dia hatreo aloha izany ny mikasika ny kanetibe malagasy.Soa ihany aza fa tsy tafiditra ho isan'ny taranja any amin'ny Lalao Olimpika any Los Angeles fa raha izay dia ho goavana ny fahavoazana satria ity taranja ity no mety hotondra medaly olaimpika voalohany ho an'i Madagasikara.Ary iza no mahita raha ny antsojay ataon'i Claude Azéma sy ireo namany no isan'ny sakana.
Clément RABARY 

Dans la même rubrique

28-févr-2024

Tody any amin'ny manasa-dalana ny GNVB (Gendarmerie Nationale Basket-Ball)

Card image cap
28-févr-2024

Lakalaka ny fiainana. Raha nankafy ny tsipy kanetibe sy nandray anjara

Card image cap
28-févr-2024

Vonona ny FMF hamerina indray ny Beach soccer rehefa nampatoriana

Card image cap
28-févr-2024

Ny federasionin’ny taranja baolina kitra ao Burundi irery tamin’ireo

Card image cap
27-févr-2024

Vaovao tsara aloha ny hatreto ho an'ireo ekipa malagasy mandray

Card image cap