Lalaina Nomenjanahary na Bolida

na ny BEF ao Frantsa aza i Lalaina Nomenjanahary na Bolida dia mbola mandray fiofanana amin’ireo andrarezina hatrany. Nandalo tao amin’ny ivotoeram-panofanana izay hitantanany ireo katita kely amin’ny renivohitr’i Frantsa dia ny Paris FC indray, raha ny fampitam-baovaony omaly, ireo mpampiofana mpanazatra matihanina frantsay mirahalahy dia i Robert Pirès sy Vikash Dhorasoo. Izy mirahalahy ireto moa dia efa samy nandrafitra ny ekipam-pirenena frantsay eo amin’ny taranja baolina kitra avokoa. Samy nilalao tao afovoanin’ny kianja tao saingy i Robert Pirès, isan’ny namiratra tao amin’ny klioba sangany anglisy dia ny Arsenal ary i Vikash Dhorasoo kosa nilalao tao amin’ny divizionina voalohany frantsay tao Parisy dia ny Paris Saint Germain na PSG izany. Mifanena aty amin’ny tontolon’ny fanofanana mpanazatra indray izy mirahalahy ireto ankehitriny ary isan’ireo manofana hahazoana izay diplaoma BEF izay mihitsy, raha ny tsara ho fantatra nampitaina hatrany.
J. Mirija