Lisitry ny Barea

nantsoina hanatevina ny ekipam-pirenena eo amin’ny taranja baolina kitra manditra ny fanomanantena izay tafiditra ao anatin’ny varavarakelin’ny fifa ny 2-9 jona. Ny 08 jona kosa dia hiatrika ny lalao ara-pirahalahiana amin’ny ekipampirenena’i RD Congo ny Barea, lalao izao ho tanterahana any Orléan. Raha ny tsikaritra ao anatin’io lisitra io dia nihena ny isan’ireo mpilalao avy eto an-toerana. Nanazava ny anton’izany ny mpanazatra Corentin Martins ary nilaza fa noho ny fahitana ireo mpilalao izay heverina ho mendrika any amin’ny kliobany no niantsoana ireo mpilalao mila ravinahitra ireo. Efa nisy ihany koa hoy izy ny fifampiresahana tamin’ny Mpanazatra ny Coach RORO ka nifanarahana ny tsy hakana betsaka amin’ireo mpilalao avy eto an-toerana manomana ny Chan sy ny cosafa. Nohamafisiny ihany koa fa tsy manidy varavarana velively amin’ireo mpilalao avy eto antoerana akory ny tenany fa misy hatrany ny fiaraha miasa sy ny fifanampiana satria hoan’ny kitra Malagasy no antony nidirany ho mpanazatra ny Barea. Momba ny ho avin’ny Ekipam-pirenena amin’ireo lalao ambiny ao anatin’ny fifanintsanan’ny fiadiana ny amboara era-tany indray dia nanamafy ny mpanazatra ny Barea fa mbolaz manana fanantenanan isika. Tsy misy azo atao ambaninjavatra ireo lalao tafiditra ao antin’ny andro faha 7 sy faha 8 izay ho tanterahana ny volana septembre izao. efa tsara ny endri-dalao nasehoan’ny barea nandritra ny fihaonana tamin’ny Ghana sy Centrefrique farany teo ary vonona hatrany hanome mihoatra izany ny mpilalao. Efa nijerena ihany koa ireo pitsony izay niteraka faharesena hoantsina tamin’ny fihaonana tamin’i Ghana.
Solotiana