airtel

Sport

19-juin-2024

Louis Démoléon

«Efa filàna ho ahy fa tsy adidy fotsiny ny miady ho an’ny Barea!»

Sample post image

Efa filàna ho ahy fa tsy adidy fotsiny intsony ny miady ho an’ny lokon’ny ekipam-pirenena

19-juin-2024

malagasin’ny baolina kitra na Barea, hoy ilay vodilaharana malagasy milalao ao amin’ny Budoni Calçio, Italia, Louis Démoléon, nisaotra ireo nankahery sy nankasitraka ny fihetsika nahazoany karatra mena raha nihaona tamin’ny ekipam-pirenen’i Mali tao amin’ny kianjan’i National Bank Stadium, Johannesburg, Afrika atsimo, ny 11 jona teo. Naharay hafatra fanohanana sy fankaherezana maro aho, hoy ity mpilalao 27 taona, mirefy 1,91 metatra ity. Ny ankamaroanareo no nankasitraka ny fihetsiko mba tsy nampikobana ny haraton’ny ekipam-pirenentsika nanoloanana firenena goavana eo amin’ny taranja baolina kitra aty Afrika. Tsy misy azoko ambara ankoatran’ny hoe «Misaotra, misaotra», hoy hatrany ny tenany. Tsiahivina fa tsy afaka miatrika ireo lalao miisa 2 manaraka ho tanterahin’ny ekipam-pirenena, araka izany, ity vodilaharana manam-batana no sady tompon’ny halavana ity aloha. Inoana sy andrandraina, araka izany, fa ahita vahaolana hasolo izany ny mpanazatra, Romuald Rakotondrabe, ary vahaolana tsaratsara kokoa mihitsy aza.
J. Mirija
 

Dans la même rubrique

19-juil-2024

Miditra eo amin'ny fifaninana Afrikanina daholo izao na ny Barea na ireo ekipa roa misolotena antsika dia ny Elgeco

Card image cap
18-juil-2024

Efa any Botswana ny ekipa malagasy hiady ny fiakarana ho Vondrona faha 4 amin'ny Coupe Davis.

Card image cap