airtel

Sport

18-avril-2024

Marco Ilaimaharitra

Voadingan’i Etienne Camara

Sample post image

Voadingan’ilay frantsay vao 21 taona, Etienne Camara,

18-avril-2024

izay vao nanatevin-daharana ny klioba divizionina voalohany eo amin’ny taranja baolina kitra ao Belzika, Royal Charleroi Sporting Club, ilay irakiraka mpiaro malagasy, Marco Ilaimaharitra, 28 taona, raha ny fahitan’ireo mpamakafaka fanatanjahantena belza azy tato ho ato. Fanindroany izao no nahitana ity mpilalao malagasy ity nanafana seza na nataon’ny mpanazatra ity klioba ity mpilalao fiandry raha toa ka neverina hatrany ho isan’ny andrin’ny ekipa kosa tao anatin’izay 7 taona nilalaovany tao amin’ity klioba ity izay. Mametra-panontaniana moa ireo mpanao gazety ara-panatanjahantena ao an-toerana hoe inona izany ilay tsy ampy ao amin’i Marco fa ananan’ity zandrikely frantsay ity kosa? Milingilingy mitsapa mpilalao vao misondrotra anaty fifaninanana koa ve ity mpanazatra ity? Marco Ilaimaharitra, raha tsiahivina, dia efa nisy fotoana nanankinan’ny mpanazatra ny RCSC ny andraikitra maha kapitenin’ny ekipa mihitsy ary neverina hatramin’izay fa tena nametrahan’ity mpanazatra ity fitokisana ihany koa amin’ny fiarovana ny ao afovoanin’ny kianja ao saingy iaraha-mahita eo moa ny fivoaran’ny toe-draharaha. Mirary soa ho azy isika na eo aza izany vaovao azo lazaina hoe somary ratsy izany.
J. Mirija
 

Dans la même rubrique

17-mai-2024

Hotanterahina ny Zoma 14 Jona ho avy izao etsy amin’ny lapan’ny kolontsaina sy ny fanatanjahantena etsy

Card image cap
17-mai-2024

Tena tsy nigika ny Ankoay omaly nanoloana an'i Lituanie tany Debrecen.

Card image cap