airtel

Sport

06-févr-2023

Sport

Nafana ny fandraisana ny BAREA Andrasana ilay « prime » nampanantenaina

Sample post image

Tonga omaly ny Barea ary notsenaina tamin'ny fomba makotrokotroka nanomboka teny Ivato ka hatrany amin'ny kianja ben'ny Mahamasina.

06-févr-2023

Tomefy olona ny lalana nandalovan'ireo mahery fo. Adiny telo vao niditra ny kianja izay efa hipoka ny Barea sy ireo mpanaraka azy ireo. Tena fety be da fety be araky ny fiteny mahazatra ny maro. Raha naneho fisaorana ny rehetra ny kapiteny Tantely sy ny mpanazatra Roro dia niavaka kosa ny fandraisam-pitenenan'ny Filoha Andry Rajoelina satria rehefa avy nisaotra nivantana ireo mpilalao izy ary niavaka mazava ho azy ny an'i Tsiry izay mitondra ny laharana faha 13 ary nahafaty ny baolina teo amin'ny minitra faha 13. Nolazainy koa avy eo ny faniriana hanao fifaninanana hiadina ny tompondaka any amin'ny faritra rehetra. Hevitra tsara saingy mety hanimba indray ilay Pro League izay tena angady nanana izao fahombiazana Izao. Tena tsy lavitra tokoa mantsy ny Barea raha niondrika tamin'ny isa 1noho 0 teo anoloan'ny Liona Sonegaly izay nibata ny amboara raha nanilika ny Alzerianina teo amin'ny fandakana penalty (5-4). Nitohy nandritry ny hariva ny lanonana teo Mahamasina na dia nisy ihany aza ireo nody aloha noho ny tsy fandriampahalemana. Nofaranana tamin’ny afomanga ho mariky ny fifaliana, hoy ny Filoham-pirenena izay nampanantena fa tsy maintsy ho raisina eny amin’ny lapam-panjakana ary ho tolorana mari-boninahitra ny Barea satria nitondra ambony ny voninahim-pirenena. Mbola mitodika any amin'ny federasiona ihany koa ny mason'ny rehetra mikasika ny fomba hizarana Indray ilay 500 000 dolara ; fa mbola eo ihany koa ny fampanantenana fanomezana ara-bola na « prime » ho an’ny ekipa, dia samy miandry moa.Eo mahita azy e !

Clément RABARY

 

Dans la même rubrique

21-juin-2024

Voatazon’i Danemark 1-1 i Angleterre alina tao anatin’ny lalao faharoan’ny C.

Card image cap
21-juin-2024

Hiaka-tsehatra indray ny Frantsay anio amin’ny 10 ora alina ho an’ny andro faharoa ao anatin’ny Vondrona D.

Card image cap
21-juin-2024

Ho fantatra ny alahady ho avy izao ireo ekipa roa hiady ny famaranana eo amin'ny Coca Cola PFL ity.

Card image cap
20-juin-2024

Mafana hatrany ny fiadiana izay ho tompondakan’i Eoropa eo amin’ny baolina kitra na ny « Euro 2024 »

Card image cap
20-juin-2024

Nameno ny tambazotran-tserasera Instagram hatramin’ny Facebook indray omaly

Card image cap
20-juin-2024

Dia mbola eo amin'ny kianja eo Mahamasina ihany no nosafidian'ny mpitondra hanaovana ny fety.

Card image cap