Nicolas Dupuis, fa ny CAN 2021 aloha izao no tena imasoantsika ny tompondaka eran-tany mbola lavitra ezaka. Nandeha ny fifanintsanana. Taorian’ny nandresen’I Cote d’Ivoire ny Barea tamin’ny isa 2 noho 1 tany Abidjan dia nilaza ny tenany fa fandresena amin’ny isa 1 noho 0 dia ampy anay amin’ny lalao miverina. Sahala 1 noho 1 moa no vokatra nony tonga teto an-toerana. Nialohan’ny lalao miverina tamin’I Etiopie indray no nilaza ity mpanazatra ity fa efa tsara raha manao sahala isika. Isa fanampiny na hoe “bonus” raha mandresy ary raha resy dia mbola misy lalao iray, izany hoe toy ireny efa niomana ny hizaka faharesena ireny ilay fanambarany fa ilay fihaonana farany tamin’I Niger farany teo no noheritreretina ahazoana ny isa 3 mameno ireo isa 7 efa nananantsika ka hameno azy ho 10 sy hahatafatra any amin’ny CAN 2021, raha toa ka nandresy an’I Etiopie ny ivoarianina. Ny zava-nitranga anefa avy eo dia nandresy ny Antilope tamin’ny isa mazava 3 noho 1 tokoa ny Elefanta saingy nitondra tany amin’ny tsy fahombiazan’ny Barea ny kanjy diso miantehitra amin’ny kisendrasendra sy eo eo ihanin’ingahy Nicolas Dupuis satria nahay nanidy trano ny Mena ka nahatana antsika 0 noho 0 tao Barikadimy na dia efa nandihizan’ny Barea tamin’ny isa mavesatra 6 noho 2 tao an-jaridainany aza. Mbola tsy nanova izay fomba firesaka mora mionona izay hatramin’izao ny Coach Nicolas Dupuis ary nilaza indray fa “tsara ny voalohany ao vondrona misy antsika amin’ny fifanintsanana (TTF: ho an’ny tompondaka eran-tany) fa aleo tsy dia mbola manantena loatra zavatra amin'ny fiatrehana ny amboara eran-tany satria mbola tena sarotra ho antsika izany... aleo ny CAN 2023 no omanina dieny izao." Ho ataon’ity mpanazatra ity ho solon’ny lalao fanomanan-tena “fotsiny” na ilay teny malaza amin’izao hoe “bonus” indray koa ve izany ny fifanintsanana ho an’ny tompondaka eran-tany fa tsy tena hampiady ny Barea hahazo izay laharana voalohany ao anaty vondrona J izay ny tenany? Moa ve tsy volam-panjakana no lany amin’ny fikarakarana lalao mandroso sy miverina amin’izy ity ? Tsy mbola mandindona fiovana ny paikadin’ny mpanazatra Nicolas Dupuis.
J. Mirija
Efa mifefy voatemitra ny manodidina ny kianja etsy Mahamasina.
Niteraka adihevitra eo amin’ny tontolon’ny baolina kitra ny lalao nifanandrinan’ny Real de Madrid
Eo amin'ny kihon-dalana ny tantaranny Ladies Makis. Ho fantratra ny 4 ka hatramin'ny 12 may
Nanaitra ny maro ny fanambaran'ny Filohan'ny federasiona, Alfred Randriamanampisoa,
Ratsy ny vokatra tato ho ato ho an’ny AJ Auxerre misy an’ilay mpilalao Malagasy Rayan Raveloson,