Sport

Namoaka ny Federasionina Malagasin’ny Baolina kitra omaly, fa ny 50% ho an’ny mpilalao, 10% ho an’ny klioba, 5% ho an’ny ligy, 5% an’ny Pro League, ary 30% an’ny Federasionina. 24 ora taorian’ny antso nataon’ny Filoham-pirenena io. Mbola tsy tapitra anefa ny adihevitra ka betsaka no milaza fa tokony ho ny 70% no omena ny mpilalao, ary ny 30% dia izay hitantantan’ny FMF azy sy izay homeny azy. Voalaza mantsy fa 70% no nositrahan’ny mpilalao tamin’ny vokatra azo nandritra ny CAN 2019. Ny FMF kosa no tonga dia nanapaka an’io fitsinjarana navoakany tamin’ny tambajotran-tserasera io fa tsy nisy fifampidinihana, ka noraisin’ireo mpilalao ho tsy ofisialy. 30% moa no voaresaka tany aloha, saingy io niova ho 50%, kanefa mbola tsy tapitra hatreo ny adihevitra. Mandeha ihany koa ny fanamarihana fa tamin’ny voalohany ny taratasy avy any amin’ny FIFA tsy misy resaka Orange Pro League ka foana indray ve ilay taratasin’ny Fifa? Ny tany dia hoe: homena ny klioba dia omen any ligy? Voalaza fa nisy ny fifampidinihana teo amin’ireo mpilalao niaraka tamin’ny mpanazatra sy ny Minisiteran’ny fanatanjahantena omaly.
Toky R